Dis al skemer, maar ek roer nie – aandete kan eers wag. Ek lê tussen die fynbos aan die suidelike punt van die De Hoopvleiland. ’n Trop elande omring my al só lank dat ek self soos een begin voel. Eers het hulle my agterdogtig uitgekyk, maar toe ek my uitstrek, het hulle rustig aanhou wei. Waardig, soos net ’n eland kan kou. En nou, terwyl die lig vinnig kwyn, is dit net silhoeëtte en kniegeklap wat sê hulle is nog hier. Net soos die res van De Hoop is selfs die groot wildsbokke nie opdringerig nie.
Die afgelope paar dae het hierdie stemmige reservaat my keer op keer verras. Toe ek hier aankom, was dit so triestig dat ’n mens nie eens die oorkant van die vlei kon sien…
You're reading a preview of
Weg! (Digital) - 1 Issue, Dec/Jan 2024/2025