Die grasveld lééf. In die verte kan ek ’n paar elande, sebras en wildebeeste uitmaak; nader aan my speel twee blesbokramme wegkruipertjie. Maar elke keer as ek probeer nadergaan om ’n beter foto te neem, kom daar ’n waarskuwende snorkie en draf die twee ’n entjie weg.
Die son is aan’t sak en die westerkim lê dik van die laatsomer se oranje tinte. Honderde swaeltjies flits deur die lug agter vlieënde insekte aan, hulle bewegings byna akrobaties. Dit lyk soos ’n laaste fees, ’n afskeidspartytjie voordat hulle in hulle massas na die Noordelike Halfrond verdwyn.
Daar’s iets van die Serengeti se oorvloedigheid in dié namiddag. Boonop lyk die landskap in hierdie gedeelte van Ezemvelo soos daardie klassieke Oos-Afrika-savannepark: Hier en daar rank ’n doringboom hemelwaarts, sy kroon wat soos die…
You're reading a preview of
Weg! (Digital) - 1 Issue, Aug/Sept 2024