Digital Delivery

Lééf October 1st, 2016 Digital Back Issue Cover

Lééf October 2016 (Digital)

(Write a Review)

Single Digital Issue

October 2016

$2.29

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Lééf (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Lééf (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

43 Articles

Dis heerlik warm en die lug sag en vogtig toe ek by die King Shaka- internasionale lughawe land. Ek is op pad na Pietermaritzburg waar ek ’n vrouenaweek vir die vroue van KwaZulu-Natal se NG Kerksinode aanbied. Ek laai my swaar tasse in die klein, wit huurmotortjie en pak die opdraande pad na my bestemming. Die hoofweg is besig en daar is heelwat groot vragmotors op die pad. Ek is dankbaar om uiteindelik ná byna twee uur op die pad stil te hou voor my chalet by die kampterrein waar die naweek plaasvind. Ek word hartlik deur ’n komiteelid verwelkom. Die omgewing is pragtig, daar is groot bome, ’n bamboeswoud en plantegroei eie aan dié mooie deel van ons land. Die vroue wat die naweek bywoon, kom van regoor KwaZulu-Natal,…

Kreatief met jou kamera!

Kom leer meer oor fotografie by Lééf se interaktiewe fotografie-werksessie by L’WiiDA Lodge en Konferensiesentrum net 20 minute se ry buite Johannesburg en Pretoria. Kom leer om die volmaakte sonsondergang, blomme van naby en wilde diere af te neem en vra alles waaroor jy nog altyd wonder! leer saam DATUM Saterdag 5 November 2016 PLEK La'WiiDA Lodge en Konferensiesentrum TYD 07:30-18:00 AANBIEDER Stephen Segal KOSTE R650 per persoon – dit sluit in versnaperings, middagete en ’n Nikon/Lééf-geskenkpak. BESPEEK BY Yolandé 011 888 5898 /yolande.roodt@leef.co.za WEN! Een gas wat die dag bywoon, kan ’n Nikon Coolpix S2800 in swart met 5x optiese zoemlens, eenvoudige kontrole en slim outomatiese tegnologie, ter waarde van R1 742 wen.…

Kreatief met jou kamera!

Ons 12de Nikon-hartfotofinalis!

Mia Dijkstra (40) van Irene is die Oktober-wenner van ons Wys jou hart-fotokompetisie saam met Nikon in Suid-Afrika. “My 40ste verjaardaggeskenk was die wysheid om te besef ’n mossel is nie die mooiste skulp nie, maar in mooi lig is dit asemrowend. Net so is sondige mense skitterend as ons in God se Lig wandel.” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1600. Die algehele jaarwenner kry ’n Nikon D3200 DSLRkamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit jou volledige kontakbesonderhede…

Ons 12de Nikon-hartfotofinalis!

sit jou hart op papier

Wenbrief! Genade my loflied In die oggendure van 26 Junie lees ek Psalm 18:33: “God rus my toe met krag, Hy maak my pad veilig” Min het ek geweet wat op my wag. My man, Stefan, lê in ongevalle. Ná twee verkeerde diagnoses en onsekerheid, openbaar die Here vyf dae later die fout en sy galblaas word verwyder. Ná baie gebede, trane en smeking breek die lig uiteindelik deur die duisternis. So met die storm het ek geleer: Wanneer jy siek is, leer ken jy die genade van genesing. Wanneer jy alleen is, leer ken jy die genade van samesyn. Wanneer jy teëspoed ervaar, leer ken jy die genade van voorspoed. Wanneer angs en benoudheid aan jou deur klop, leer ken jy God se genade van vrede en kalmte. Vanoggend…

sit jou hart op papier

In die jare veertig van die vorige eeu het my grootouers die dapper besluit geneem om die oudste van hul vyf kinders in die destydse Tanganjika (vandag Tanzanië) na die Unie van Suid-Afrika te stuur sodat hy hier kan kom matriek skryf en verder studeer. Hul lewe as pioniers op plase digby die berg Kilimandjaro was vir kinders in vele opsigte ’n soort paradys en ’n leerskool sonder gelyke. Maar ander opvoedingsgeleenthede was dun gesaai. Die enigste toets vir skoolgereedheid was of ’n kind lank genoeg aan ’n donkie se rug kon bly klou om die eenmanskooltjie in een stuk te haal. My oom Ouboet Malan het dus die reis na die onbekende aangepak. Sy ouers het geweet voortaan sou briewe en gebede al vorm van kontak wees wat hulle…

‘Laat ons die dag vergeet waarop ons nie gedans het nie’ FRIEDRICH NIETSCHE ‘Wat U gedoen het, vervul my met verwondering’ PSALM 139:14 ‘Ek kies om in volkleur te leef’ DAVID HOCKNEZ ‘Kommer keer nie môre se hartseer nie, dit steel net vandag se geluk’ LEO BRUSCAGLIA Ontdek dié maand die lieflike, ryk patrone wat God deur die skepping én jou lewe geweef het Dagboek 1-2 Geniet ’n gesinsdag en pluk jou eie aarbeie by die Roomys-en-aarbeifees op Redberry Farm in Geelhoutboomweg buite George. Heerlike kos en wyn is ook te koop. Bespreek op www.strawberryfestival.co.za of besoek www.redberryfarm.co.za 4-7 Christian Revival Church (CRC) se Droomweek is ’n inspirerende konferensie in Bloemfontein en Pretoria wat deur pastore At en Nyretta Boshoff gelei word. Dis gemik op leiers, pastore, entrepreneurs en studente…

Hy is in elkeen se lewe besig. Ons het die keuse of ons Hom in alles wil raaksien Ek kan nie glo ses jaar se water het in die see geloop sedert ek en Elvis Blue, oftewel Jan Hoogendyk, hoog op ’n koppie in Northcliff in die Idols-huis oor sy sing-in-die-Spur-jare en toekomsdrome gesels het nie. Ons ontmoet vroegoggend by ’n koffiewinkel ’n klipgooi weg van die Hoërskool Linden waar hy gematrikuleer het. Ek bestel ’n cappuccino, hy ’n latte. En ek wonder: Het al die roem hom enigsins verander? Een van die kelners kom sê hallo. “Sy dra altyd die mooiste rooi lipstiffie” sê hy. En dan staan ’n paartjie skaam nader en vra of hulle ’n foto saam met hom kan neem. “Soms dra ek ’n hoed en…

Vrystaatse swier

‘Die hartklop van hul troudag was mense’ Opregte Vrystaatse gasvryheid – dís wat die genooides wat Christina en Johnny Kritzinger se bruilof op die plaas Wolwefontein naby Kroonstad bygewoon het, nog jare lank sal onthou. Dit was in die besonderse gul ontvangs deur Christina se ouers; in elke treffende blommerangskikking en fynproewersvingerhappie; in die spontaneïteit waarmee die bruidspaar saam feesgevier het; en in die uitbundigheid van gaste wat gedans het tot die son opkom. Vir die bruid, ’n Vrystaatse plaasnooi met ’n liefde vir wêreldstede soos New York en Johannesburg, was dit belangrik om die ouwêreldse onthaalgrasie van vervloë dae met ’n moderne kinkel in elke detail van haar troudag vas te vang. Met behulp van die allerbeste diensverskaffers het Christina self haar troue beplan sodat alles ’n weerspieëling van…

Vrystaatse swier

Nostalgie en sofistikasie het ook in die spyskaart neerslag gevind – van mosbolletjies met bokkomgegeurde botter en boerewors-tartare met parmesaan, tot filet met ’n whisky-béarnaisesous. Ná ete het moerkoffie in groot potte op gasstowe geprut. “Ons het nogal vernuwe met die fynproewerspyskaart wat die plaasgevoel vasgevang en gaste laat welkom voel het,” sê Christina. Sy het sowat twee jaar in New York gewerk en is gaande oor reis. “Ek sleep Johnny altyd saam na Michelinsterrestaurante in New York en Londen.” Om haar gourmet-boerekosdrome te bewaarheid het Christina die koskenners Johnny Hamman en Marius Uys van Slippery Spoon Kitchen aangestel. “’n Mens kan nie anders as om met liefde en vreugde te kook vir wonderlike mense nie,” sê Johnny. “Om kontreikos met ’n moderne aanslag vir die wonderlikste familie te bedien…

Tot die SEWENDE GESLAG

Op die randjie van die Swartland, op ’n weggesteekte plek waar jy Tafelberg, die Tygerberg, Franschhoekvallei én die Stellenbosse berge almal tegelyk kan sien, nestel ’n prentjiemooi plaas wat net so gul en hartlik is soos die ontvangs wat jy van die huismense ontvang. Op Leeuwenkuil word die lewe in die oortreffende trap geleef. Die plaas behoort tans aan ’n sesde geslag Dreyer, Willie, en sy vrou, Emma. Die landgoed se geskiedenis kan nageslaan word tot 1693 – ’n tyd toe Kaapse leeus nog in die omgewing gejag is en die plaas Schinderkuijl geheet het. Die plaaswerf het vandag nog dieselfde uitleg as in 1704 met twee lang huise, buitegeboue en veekrale. Die opstal, wat gebou is deur ’n eksentrieke voorsaat, Arij van Wijk, het ’n gewel in die vorm…

Tot die SEWENDE GESLAG

Dis nog nagdonker toe ons gesin een vakansie die lang pad uit die Kaap noorde toe aanpak. Die oggendster is ’n gepunte silwerwit skeurtjie in die blinkswart lug. Die nag ’n klokglas bo-oor die ganse landskap. Soos ons ry, word ons geleidelik bewus van die natuur se vroegoggendritme en die simmetrie van die landskap. Die gespitste buitelyne van die berge word vaagweg sigbaar. Die voetheuwels begin golwend asemhaal, in pas met diep ravyne van die berge. In en uit. Skadu. Lig. Laag in die Hexriviervallei lê die wingerde: rye en rye netjiese donkergroen vlegseltjies in die skemer oggendstilte. Die grys lug word rooskwarts en waatlemoen. Pienkgetinte wolkeribbetjies los stadigaan op hoe dieper ons die nuwe dag binnery. Die patrone van die landskap vou voor ons oop. Klipkoppies teen ’n lakenblou…

MOOI SOOS ’N BEMINDE

‘Ons moet ’n visie vir die groter prentjie aanleer… Ons moet verstaan ons word nie deur ons rolle as vrou gekenmerk nie, maar deurdat ons na die beeld van God geskape is. En dat ons belangrikste identiteit is om Hom op hierdie aarde te verteenwoordig en te weerspieël. Om te weet dat alles in die lewe “van Hom, deur Hom en na Hom” vloei, dat ons blote bestaan diep en onlosmaaklik verbind is aan Syne’ HANNAH ANDERSON…

MOOI SOOS ’N BEMINDE

‘ Naas vroue is blomme die mooiste ding wat God die wêreld gegee het ’CHRISTIAN DIOR VERBRUIKERSGIDS Cotton On 011 268 3700 Milk & Honey 012 346 3733 MRP 0800 212 535 RosaLita 083 417 2938 The Space 012 346 3984…

Wimpers & wenkbroue

Wenkbroue is een van die dele van jou gesig waaraan jy die meeste aandag moet skenk. Dit raam die gesig, skep balans en sorg vir ’n afgeronde voorkoms. Wenkbroue moet eerstens netjies gevorm word en dan met behulp van die regte grimering ingekleur word. Moenie jou wenkbroue te dun pluk nie en vorm dit altyd in ’n natuurlike boog. Tem weerbarstige haartjies wat te laag op die ooglid groei en die aanwending van ooggrimering belemmer. As jy nie kans sien om dit self te doen nie, kan jy jou wenkbroue professioneel laat vorm en tint. Hou die vorm in stand deur ongewenste haartjies getrou te pluk. Daar is ’n magdom nuwe produkte op die mark om jou wenkbroue maklik mee in te kleur – van romerige potlode vir yl wenkbroue…

Wimpers & wenkbroue

TYD VIR JOUSELF

Soet en vroulik Elizabeth Arden Always Red Femme Eau de Toilette ruik na perskebloeisels, swartbessies, jasmyn en vanielje. R895 vir 50 ml. Britney Spears Private Show Eau de Parfum is ’n soet fyngeur met die reuk van karamel en blomme. R565 vir 50 ml. Wat ’n plesier! Estée Lauder Pleasures Aqua Eau de Parfum is vir ’n beperkte tyd beskikbaar. Dié lieflike geur met waterige blomnote kos R995 vir 50 ml. Spesiaal vir Oktober Koop vandeesmaand Estée Lauder Advanced Night Repair en ontvang ’n gratis borsspeldjie. ’n Gedeelte van alle verkope word gebruik om vroue met borskanker te ondersteun. R1 055 vir 50 ml. ‘Gaan uit en druk jou stempel af ’ ELIZABETH ARDEN Nuut op die rak 1 Gatineau Defi Lift 3D Resculpting Lift Cream lig, verferm…

TYD VIR JOUSELF

Gesond by die werk

‘Ons is almal skuldig daaraan dat ons dink ons kan nie ’n tydjie in die dag afknyp om ’n entjie te gaan stap nie’ Volwassenes bring sowat 50-70% van hul tyd sittend deur, hetsy by die werk, voor die rekenaar of die televisie Gelukkige werkers is gesonde werkers. Verskeie studies toon as werknemers die vinger op die pols van hul werknemers se liggaamlike en geestelike gesondheid hou, gaan dit ook voorspoedig met die maatskappy. Suid-Afrikaanse base word deesdae aangemoedig om meer in die welsyn van hul werknemers te belê, bevestig dr. Robin George, beroepsgesondheidshoof van Occupational Care South Africa (OCSA). “Dis in die beste belang van organisasies om te verseker dat die welsyn van individue en die werksmag hoog gehou word aangesien dit ’n impak op die maatskappy se winsgewendheid…

Gesond by die werk

Kantoorgesondheid is ’n spanpoging

1 Verskaf gesonde kantoorversnaperings. Dit help om gewig en gemoedstoestand te beheer en energie ’n hupstoot te gee. Raak ontslae van versnaperings met min of geen voedingswaarde en suikergelaaide gaskoeldranke. 2 Ontmasker mites oor gesonde kos. Daar is heelwat bemarking in die voedselbedryf wat mense mislei oor die gesondheidswaarde van kossoorte. Sorg dat werknemers weet wat die ware stand van sake is. 3 Stel ’n nuusbrief saam oor die beste wenke vir fiksheid en voedingswaarde op die internet: Stel verskeie Google-alerts oor hierdie onderwerpe op en kies “only the best results”. Maak dan ’n samestelling van die beste artikels en stuur dit aan almal. 4 Beloon die werkers met ’n heerlike gesonde middag- 5 ete by ’n plaasmark. Skep toonbanke of staanlessenaars met verstelbare hoogtes wat werkers toelaat om maklik…

My lewe in ’n plakboek

‘Vir volgende seisoen is sagte pienk en romantiese blomme ’n groot treffer, so ook die terugkeer na ons inheemse blomme’HEIKE Sy het dalk op ’n dorre skaapplaas buite Hanover in die Karoo grootgeword, maar deesdae skep die 31-jarige Heike le Cordeur fabelagtige ruikers en blommerangskikkings vir bruide op hul groot dag. Haar besigheid het heel toevallig ontstaan toe ’n vriendin wat as troubeplanner werk vir Heike gevra het om die blomme te doen vir haar kliënte se troues omdat Heike se eie troue se blomme so mooi was. Maandae tot Donderdae het sy dus haar korporatiewe werk in die IT-bedryf behartig, en Vrydae en Saterdae troues gedoen. Nadat haar eerste kind, Indya, in 2011 gebore is, het sy heeltyds blomme begin doen. Haar liefde vir blomme en kreatief wees kom…

My lewe in ’n plakboek

Waar tyd stilstaan

In Marokko verdwaal jy in nou stegies, patrone, helder mosaïekkleure en tydlose landskappe. Ek en my vriend Ben Kunz was in Desember 2012 twee weke lank in Marokko, ons albei se eerste besoek aan dié land. Sommer met die intrapslag in Casablanca het ons dié land se finansiële en kommersiële hoofstad te voet aangedurf. Dis ’n stad waar wolkekrabbers in strak kontras staan met die klein winkeltjies van die medina (ou stad) en sy smal kronkelstrate, waar jy verby hordes nederige huisies loop totdat jy in die vroegskemer oor die groot, oop plein van die Hassan II-moskee drentel en met foto’s die magiese atmosfeer probeer vasvang. Terwyl ons daardie aand in die legendariese Rick’s Café met sy fluweelgordyne so reg uit die klassieke fliek Casablanca ons bier drink, onthou ek…

Waar tyd stilstaan

Maandag Reën Wanneer die aarde smag na reën, besef ’n mens weer niks kan sonder water leef nie. Water gee lewe. Bid dat God Sy reën sal stuur. Besef dat dit net Hy is wat die hemele kan oopmaak. Buig in ootmoed voor Hom neer. Pleit by Hom. Besef jou afhanklikheid van Hom. Dinsdag Vars en skoon Ná goeie reën is die aarde nuut en vars. Alles jubel. Wanneer jy toelaat dat God jou seën met Sy strome van Lewende Water, word die droogte in jou geestelike lewe verbreek. Kyk na jou lewe. Sien opnuut elke seëning raak! Stel saans ’n dankie-sê-lysie op. Woensdag Groei! Leef nuut! Herinner jouself aan die aarde waaruit daar weer nuwe lewe kom ná die reën. Pas dit op jouself toe. Dink aan maniere hoe…

Aristoteles het gesê: “Ons is wat ons oor en oor doen. Daarom is uitnemendheid nie ’n enkele daad nie, maar ’n gewoonte.” Die Here het reg aan die begin van my bediening uitnemendheid op my hart gelê. Daar was veral drie dinge wat God van my gevra het. Eerstens: Vermy konflik. Tweedens: Doen alles wat jy doen met oorgawe. En laastens: Leef met integriteit. In daardie stadium het ek net ’n Bybelstudiegroepie by my huis gelei. Maar ek het dit baie ernstig opgeneem en weekliks ure lank voorberei. Dit was terwyl ek ook ’n eggenoot en ma van drie kinders was. Ek kon nie net wegbreek om Bybelskool by te woon nie, maar God het my in die daaglikse lewe onderrig. Hy het my geleer om altyd op te ruim…

’nDogter van God

Vertel ons meer van jou karakter, Anja du Toit, in Getroud met rugby . Anja se liefde vir kinders het gelei tot haar loopbaan as au pair en sy geniet haar werk geweldig baie. Sy kan mense goed lees en probeer altyd só optree dat haar teenwoordigheid ’n bate is vir die mense rondom haar. Sy weet hoe om haar vrou te staan en haar voet ferm, dog diplomaties dwars te sit! Nes Anja het ek ’n liefde vir kinders. Ek het my onderwysdiploma verwerf ná my dramastudies en ’n jaar lank skool gegee as ’n hulponderwyseres by Eduplex in Pretoria terwyl ek vir oudisies gegaan het. Dis nie noodwendig my droomwerk nie, maar ek het dit nietemin vreeslik geniet. Anders as Anja kan mense nogal oor…

’nDogter van God

‘ Kan dit wees dat veral vroue met selftwyfel worstel omdat daar soveel druk op ons is om nederig te wees?’ ‘Jy móét jou gawes gebruik, maar jy moet ook bereid wees om te erken jy het ander se gawes in jou lewe nodig’ Eendag vertel my vriendin sy en haar man het ná vier jaar van getroude lewe steeds elkeen hul eie bankrekening. Nadat sy bygevoeg het hoe goed dié reëling hulle albei pas, het sy erken hulle beleef weens dié onafhanklikheid soms oomblikke van selftwyfel: Verdien ek genoeg? Verdien hy/sy nie dalk meer as ek nie? Dit het my laat dink: Is dit nie maar waar in alle gevalle waar ons aan onsself twyfel nie? Vir almal Dit is nou maar eenmaal so dat vrees vir ’n toekoms…

siel van ’n Vrou

Ons almal vra soms vrae oor die manier hoe God werk, oor die redes waarom Hy sekere dinge toelaat, oor die sin van die lewe. Dalk het jy self al half skuldig en vraend voor Hom gestaan of met Hom oor onbegryplikhede gestoei. Later wonder ’n mens of God jou nie dalk daaroor verkwalik nie. Die waarheid is dat ons Vader nié die deur vir ons toemaak nie – selfs wanneer ons Hom en Sy manier van doen in twyfel trek. Hy sluit ons allermins uit. Veel eerder nooi Hy ons onveroordelend om by Hom aan tafel te kom sit en ons onbegrip en ons hart vol frustrasies voor Hom uit te pak. En dan luister Hy na ons onsamehangende worsteling en uitdagende vrae. Dan hoor Hy ook die woorde…

siel van ’n Vrou

Toe ek vroeg op ’n Saterdagoggend Sir Lowry’s Pass Village – volgens berigte “vrot van dwelms en geweld” – binnery, dobber my gevoelens tussen nuuskierigheid en versigtigheid rond. Die dorpie aan die voet van die Helderberg is sonder enige twyfel skilderagtig geleë. Maar wat sou die ontwerper Marné Mynhardt laat besluit het om haar dekor-en-lapwinkel juis hier oop te maak? Die antwoord staan en wag in die deur van die winkeltjie: kreatiewe kop in die wolke, voete op die grond. “Ek is Marné” steek sy haar hand uit. Die naam vir haar droom- en werkplek, Mitat, beteken “Godgegewe gawe” in Hebreeus. “Daar is natuurlik mense wat dink ek is lekker mal om hier ’n onderneming te bedryf ” vertel sy. “Maar ek is dankbaar om te sê ek is in…

As die AFSKEID naby is

Elke kind van bejaarde ouers se wens is sekerlik dat Pa en Ma se afsterwe waardig en pynloos sal wees. Tog lyk die werklikheid dikwels heelwat anders. My pa het kort ná sy 80ste verjaardag die skoknuus gekry dat hy prostaatkanker het – dít nadat sy verswakte longe reeds sy gesondheid geknou het en hy ná die geringste fisieke inspanning heeltemal poegaai was. Dit was gou duidelik bestraling en hormoonbehandeling is die enigste uitweg. Tipies my pa kon hy die humor in die siekte raaksien. Ons het gereeld oor die telefoon saam gelag oor die “warm gloede”. “Hoe op dees aarde hanteer vroue dit? Dis ááklig!” het hy gesê en dan daardie kenmerkende laggie laat hoor. Maar my hart wou ook breek, want wat my pa toe nog nie besef…

As die AFSKEID naby is

8 DINGE OM TE DOEN

1 Praat met jou ouers oor besluite wat vorentoe geneem moet word. Vra of hulle iemand in gedagte het wat moet besluit oor sake soos mediese fondse, versekering en versorging wanneer hulle dit nie meer self kan doen nie. 2 Vra reguit of hulle ’n dokument wil onderteken waarin hulle bevestig dat hulle nie kunsmatig aan die lewe gehou wil word nie, sou dit gebeur dat die familie en dokters voor so ’n besluit te staan kom. 3 Maak seker jy bekom alle inligting oor medikasie, dokters (name en kontaknommers), bankrekeninge en belastingnommers. 4 Vra jou ouers of hulle ’n testament het; indien nie, moedig hulle aan om een op te stel deur daarop te wys dat dié dokument dit makliker sal maak om hul wense uit te voer. 5…

glo soos’n kind

Pa Jan se oë vonkel helder teen die bloute van die lug toe hy ons nader wuif. “Kom kyk gou!” roep hy opgewonde waar hy teen die wal staan met die groot laaigraaf en delwer wat diepstem dreun. Onder ons voete hoor ons die gekabbel van water. Teen die walle is die dik potklei en fluitjiesriet in digte massas weggestoot. Die fontein se oog is oop! Straaltjies water syfer onophoudelik oor die rand en stoot vansself in ’n rivierlopie saam. Ons klap hande en neem foto’s. Vir die eerste keer in omtrent 30 jaar kan die fontein weer water gee. Ons dankbaarheid loop oor in ons aandgebed toe ons in die skemer kamer dankies prewel. Skielik slaan Darius ’n ander gedagtekoers in. “Mamma weet hoe Mamma altyd sê ons moet…

glo soos’n kind

Tussen die lyne

Sowat ’n jaar gelede het my ma vir my ’n inkleurboek met die mooiste fyn patrone op goeie papier gekoop. Ek het vir die eerste keer in dertig jaar ’n splinternuwe stel kleurpotlode en jelpenne van my eie vasgehou, maar dieselfde hol-kol-vlinders-opdie-maag-gevoel beleef as toe ek ses jaar oud was. Met my eie kinders al amper verby die inkleurstadium het my hande behoorlik gejeuk om daardie eerste prent aan te pak. Maar… hoe sou ek kies? Wat as ek nie meer binne die lyne kon inkleur nie? En wat as die kleure nie saam werk nie? het ek gewonder. Dit het egter net ’n paar droomverlore minute geneem om te besef dis byna onmoontlik om ’n fout te maak. Dat die penne se helder kleure en skakeringstegnieke met die potlode…

Tussen die lyne

Kom sit aan saam met Marzanne!

Min skrywers kan lesers so meevoer na die land van die Bybel soos Marzanne Leroux-Van der Boon. Haar Israel-reeks (uitgegee deur Lux Verbi) het begin met Granate bloei in Jerusalem en het aanhangers gaande met sy geliefde karakters wat hul geloof in die hedendaagse Israel uitleef. Nou is die negende aflewering hier: Hasukkah shel David – Die tent van Dawid! In die nuwe verhaal is Rivkah weer swanger. Terwyl die terreuraanvalle toeneem, wonder Marc sowel as Rivkah: Is dit die regte tyd en plek om nog ’n kind in die wêreld te bring? Die boekbekendstelling vind in JOHANNESBURG én KAAPSTAD plaas. Kom smul aan ’n tradisionele Israeliese ontbyt met lekkernye soos olywe, egte Joodse brood en meer. Christine Ferreira, Lééf se redakteur en gasvrou van die oggende, gaan met Marzanne…

Kom sit aan saam met Marzanne!

Kom raak saam Kreatief

‘In die begin het God die hemel en die aarde geskep…” Só leer ons God in Genesis 1:1-26 ken, as ’n Skepper met eindelose kreatiwiteit. En dan skape Hy die mens – na Sy beeld. God het dus kreatiwiteit in jou geplaas toe jy geskep is! Maar ons ervarings in ’n gebroke wêreld maak daardie kreatiewe stem stil. Met ’n visuele joernaal kan jy jou kreatiewe stem herontdek. Dis ’n plek om te speel en jou kreatiewe waagmoed te oefen met woorde, beelde, kleure en teksture – dit betrek feitlik al ons sintuie! Dit maak jou siel sigbaar en gee jou hart ’n kleurryke stem. Dit help jou om sin te maak van jouself, verhoudings en gebeure in jou lewe. Dis ’n plek waar jy jou trane kan stort in…

Kom raak saam Kreatief

Lééf in oorwinning

‘Ek het baie meer vrede en rustigheid as voorheen en moes noodgedwonge veel meer geduld aanleer’ Annette Jonker van Potchefstroom was ’n tuisblyma met ’n vol lewe toe sy 24 jaar gelede onverklaarbaar gedeeltelik verlam geword het. Hoewel haar lewe onherroeplik verander het, is Annette vandag steeds die liefdevolle, positiewe en plat op die aarde mens wat sy was voordat sy gestremd geraak het. Vandag – meer as ooit tevore – rus haar vertroue in God. Annette vertel hoe dit gebeur het: In Sy hand Ons het ’n besige huis vol kinders gehad – vier van hulle. Een aand het ek langs my seuntjie Jacques (toe in standerd 2) op die bed gaan lê en gevoel hoe iets in my rug klap. Ek het niks daarvan gedink nie en sommer…

Lééf in oorwinning

Die lesse wat ek geleer het

[1] Om God se wil te doen moet ons eers die eie-ek uit die pad kry. [2] Elkeen se geloofspad is uniek, niemand is perfek nie. Ek weet ek hoef nie die pad alleen te stap nie. Ek pak dit saam met medegelowiges en God aan. [3] Al het ek ’n geknakte liggaam, het ek nog soveel om voor dankbaar te wees. Ek ervaar soveel genade en rustigheid en hoewel ek soms sukkel met stresvolle situasies, kom spanning selde oor my pad. [4] Ongeag wat jy vandag wil doen, word ’n rukkie stil en kyk of jy besig is om die Here te volg. [5] Ek bid om altyd vreugde uit te straal in alles wat ek doen. Geloof is ’n werkwoord. ’n Mens moet werk aan die saak.…

Die taal van liefde

‘Geloof is soos wifi. Dis onsigbaar, maar dit kan jou verbind met dit wat jy nodig het’ANONIEM SAADJIES IN DIE MIDDEL “My seuntjie weier om die middelste deel van komkommers te eet,” sê Kelsey Lasher. “Hy dink daar waar al die saadjies en sappigheid sit, is grillerig en dus oneetbaar. “Wie is ek nou om met ’n vierjarige te stry? Ek krap dus getrou die middelste gedeeltes uit en bly dankbaar vir die buitenste stukkies groen komkommer wat hy wel inkry” Dis eintlik hoe dit met moederskap ook gaan. Ons dans om die groot gebeurtenisse van moederskap: swanger word, geboorte skenk en die viering van mylpale. Maar die middelste gedeeltes – daar waar die afsloof, die roetine en die ondankbare werk lê – dit wil ons meestal uitkrap. Ons hou…

Die taal van liefde

‘Skryf jou 100 beste resepte neer. Maklik nè, het ek gedink. Maar dit is toe glad nie! Waar begin ’n mens ná meer as 25 jaar se bymekaarmaak van absoluut wonderlike resepte?” skryf die bekende kosredakteur Carmen Niehaus in die inleiding van haar kookboek Carmen se beste resepte (Human & Rousseau). Omdat sy week ná week nuwe resepte ontwikkel en proe, het haar lysie van gunstelinge aanhoudend verander. “Die geheim was dus om diep te gaan en kyk watter van my ou, ou gunstelinge die toets van die tyd deurstaan het. Dit moes resepte wees waarvan ék hou” Daar is tien afdelings met tien resepte elk: ontbyt en ligte geregte; slaaisous en slaai; groente; vis en seekos; hoender; vleis; gebak; poeding; koek, terte en koekies; en staatmakers. Sy hou daarvan…

Gesigte van klei

‘In teenstelling met die kommersiële kuns wat ek daagliks om den brode beoefen, is elke nuwe reis met sagte, warm modelleerklei vir my iets sintuigliks wat my totaal laat ontspan en my tot in my diepste wese raak,” sê Sarel Grey-ling. Hy werk tans as ontwerpredakteur in die tydskrifbedryf in Kaapstad. Dié Paarlse pa van twee kon van kleins af op Potgietersrus (Mokopane) in Limpopo vrye teuels gee aan ’n “hengse” verbeelding. “My ouers, ook albei skeppend, het my aangemoedig om hierdie natuurlike aanvoeling vir modelleerklei in my spel uit te leef. Huisies bou, elke liewe klein baksteen daarvan, kon my ure lank besig hou. Ek het reeds van kleins af die grense van my speelgoed getoets.” Later het beeldhoukuns gevolg en ’n belangstelling in marionettekuns en verhoogrekwisiete. Sarel wou…

Gesigte van klei

1 Lots & Crates spesialiseer in meubels, matte, breekgoed en ander dekoritems teen winskooppryse soos dié mooi klassieke gemmervaas (R595), waterbeker (R95) en blou-enwit potjie (R65). Daar is takke in Conrad-rylaan, Blairgowrie; Kyalami en Northriding. www.lotsandcrates.co.za 2 Die sjef Archie Maclean span ’n mengelmoes inheemse bestanddele in by Catharina’s op die Steenberg-landgoed om die lewenslustige 17de eeuse stigter van dié landgoed, Catharina Ras, te vereer. Verlustig jou in die geur en kleur van blomkool en gnocchi uit sy hand. Vir meer inligting besoek www.steenbergfarm.co.za 3 Hertex vier die nuwe seisoen met ’n geblomde reeks genaamd “Awakening”. www.hertex.co.za 4 Maak ’n draai by Burrata in die Old Biscuit Mill in Kaapstad vir kontemporêre Italiaanse cuisine. www.burrata.co.za 5 Dis weer tyd vir die jaarlikse Protea-partytjie wat op 29 Oktober op die Antonij…

Wendy Maartens gesels boeke met…

Dié onderwyseres wat in 2016 die MERprys vir haar debuut-jeugroman Elton amper-famous April en Juffrou Brom losgeslaan het, beskryf haar wêreld so: “Ek is 50 en woon saam met my man, twee dogters (17 en 8), my ma en die twee stoutste honde op aarde. Ons is ’n baie hegte gesin, wat noodwendig beteken dat daar baie skermutselings saam met die baie liefde is. Boekwinkels is een van my en my man se gedeelde vreugdes. Ek kan nie sonder alleentyd en stilte stilte wat my meestal ontwyk.” Carin erken: “Ek skree vir die buiteperd. ’n Mens loop maklik die ekstra myl vir ’n kind wat aanhou probeer, ten spyte van sy swaar persoonlike lewe. Dis altyd lekker om te mag deel in daardie eerste oomblik van sy sukses of geluk.”…

Wendy Maartens gesels boeke met…

VERJAARDAGAANBOD!

Dis twee uitgawes teen slegs R58,10 per maand (slegs R29,05 per uitgawe, posgeld ingesluit). Dis mos nou die ideale geskenk om iemand in die lente mee te bederf! TEKEN SÓ IN Stuur ’n e-pos na leef_inteken@media24.com Gaan na www.leef.co.za en teken aanlyn in Bel 087 740 1022 (Ma-Vr, 08:00-17:00) SMS ‘SUBS LEEF’ na 32361 (R1 per SMS) ÓF TEKEN DIGITAAL IN op jou iPad, ander tablet of rekenaar! R412,80 per jaar (slegs R35 per maand). www.mysubs.co.za BEPALINGS EN VOORWAARDES IS VAN TOEPASSING Dié aanbod is tot 14 Oktober 2016 en slegs in SA geldig. Skakel 087 740 1022 vir tariewe in ander lande. Geen afslag op posgeld en BTW nie. Deur per e-pos of SMS in te teken gee jy vir ons toestemming om jou…

VERJAARDAGAANBOD!

‘Gebed is om in die stilte te sit totdat dit ons stil maak’RICHARD ROHR ‘Hy het Hom altyd weer in eensame plekke afgesonder om daar te bid’ (Lukas 5:16). Ek verwonder my soms daaraan dat Jesus Hom so dikwels wou onttrek en afsonder. Die lewe was destyds klaar baie rustig. Die ganse Romeinse Ryk – van Brittanje tot Indië – het in totaal maar 50 miljoen mense bevat teenoor die 55 miljoen net in Suid-Afrika vandag. Mense het teen loopspoed geleef – die vinnigste beweging in hulle alledaagse lewe was ’n soldaat te perd! Hul hardste geluid was donderweer, maar die Skrif vergelyk harde geluide ook heel beeldryk met “die gedruis van baie waters…” Watter stil en rustige tempo! Onthou, dit is juis dáárdie lewensritme waarvoor ons liggaam ontwerp is,…

Woorde wat lééf

Die huwelik (Leef met oorgawe bl. 20 ) Spreuke 5:18-19 Spreuke 19:14 Hooglied 8:7 1 Korintiërs 13:4-7 Efesiërs 5:25-33 Hebreërs 13:4 Kreatiwiteit (Kwessie van geloof bl. 62 ) Eksodus 35:35 1 Kronieke 15:16 Matteus 25:14-30 Romeine 12:6 2 Timoteus 1:6 1 Petrus 4:10 Die dood van ’n ouer (Leef as gesin bl. 70 ) Jesaja 43:1-4 Matteus 11:28 Johannes11:25 Johannes 14:1-3 2 Korintiërs 5:6-10 Filippense 3:20…

Woorde wat lééf

Geseënd, volprese, verheerlik, verhoog/ besing, mag tig en loflwaardig is die Naam/ van Hom die Ewige, geseënd is HY. Verhewe bo enige seën en lof, verheerliking/ en vertroosting wat ons in hierdie/ wêreld kan uiter, is Hy. Hierdie woorde kom uit die Kaddish wat by elke Joodse begrafnis deur die naaste gesinslid van die oorledene uitgespreek word. Baie nie-Joodse begrafnisgangers vind dit vreemd dat iemand wat so bitter hartseer is, so ’n lofuiting tot die Ewige moet voordra. Dit gaan dan ook meestal gepaard met geweldige emosionele inspanning. Tog is dit vir almal wat dit gadeslaan duidelik dat hierdie lofsang tot die Allerhoogste altyd troos bring. My pa is onlangs op die ouderdom van 98 oorlede. Uiteraard is die Kaddish nie by sy gedenkdiens gelees nie, hy was immers nie…

Gebedskalender vir Oktober 2016

1 Saterdag NUWE RITMES Here, ek wil dié lentedae gebruik om in nuwe ritmes te groei wat U sal eer. Help my met my fisieke en geestelike dissipline. Amen. 2 Sondag BID SOOS JESUS Leer my bid soos U, Here, wat “nee” kon sê vir mense, dinge en aktiwiteite sodat U “ja” kon sê vir tyd saam met die Vader. Amen. 3 Maandag EET SOOS JESUS Leer my U ritmes, Here. U kos was eenvoudig en natuurlik: groente, growwe brood, vis, olyfolie, soms vleis. Leer my gesond leef soos U. Amen. 4 Dinsdag DRINK SOOS JESUS Leer my U ritmes, Here. U drank was meestal water en wyn wat vir alledaagse gebruik verdun is. Leer my eenvoud. Amen. 5 Woensdag STAP SOOS JESUS Leer my U ritmes, Here. U was…

Gebedskalender vir Oktober 2016

In This Issue

Description

Details

Reviews

Recent Digital Issues Browse all

Recent Lééf Digital Issues Browse all back issues

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Lééf (Digital) Subscription July 18th, 2016 Issue

Lééf (Digital) August 2016: $2.29

Lééf (Digital) Subscription June 13th, 2016 Issue

Lééf (Digital) July 2016: $2.29

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Customers Also Viewed

The Red Bulletin Magazine (Digital) Subscription March 11th, 2025 Issue

The Red Bulletin Magazine (Digital)

(17)

4 Issues: $10.00 ~~$12.00~~

Lp Gas Magazine Subscription

Lp Gas Magazine

12 Issues: $44.97 ~~$60.00~~

Florida Design – Digital Edition Magazine Subscription November 25th, 2024 Issue

Florida Design – Digital Edition Magazine

4 Issues: $19.99 ~~$27.96~~

FineScale Modeler Magazine (Digital) Subscription March 1st, 2025 Issue

FineScale Modeler Magazine (Digital)

(1)

6 Issues: $42.99 ~~$47.94~~

Success Magazine Digital Magazine Subscription March 1st, 2025 Issue

Success Magazine Digital Magazine

(2)

6 Issues: $19.95

Sporting Rifle (Digital) Subscription May 1st, 2021 Issue

Sporting Rifle (Digital)

May 2021: $6.23

The Red Bulletin Magazine (Digital) Subscription March 11th, 2025 Issue

The Red Bulletin Magazine (Digital)

(17)

4 Issues: $10.00 ~~$12.00~~

Lp Gas Magazine Subscription

Lp Gas Magazine

12 Issues: $44.97 ~~$60.00~~

Florida Design – Digital Edition Magazine Subscription November 25th, 2024 Issue

Florida Design – Digital Edition Magazine

4 Issues: $19.99 ~~$27.96~~

FineScale Modeler Magazine (Digital) Subscription March 1st, 2025 Issue

FineScale Modeler Magazine (Digital)

(1)

6 Issues: $42.99 ~~$47.94~~

Success Magazine Digital Magazine Subscription March 1st, 2025 Issue

Success Magazine Digital Magazine

(2)

6 Issues: $19.95

Sporting Rifle (Digital) Subscription May 1st, 2021 Issue

Sporting Rifle (Digital)

May 2021: $6.23

The Red Bulletin Magazine (Digital) Subscription March 11th, 2025 Issue

The Red Bulletin Magazine (Digital)

(17)

4 Issues: $10.00 ~~$12.00~~

Lp Gas Magazine Subscription

Lp Gas Magazine

12 Issues: $44.97 ~~$60.00~~

Reviews

0

0

0

0

0

No reviews yet

Ask a Question

Click stars to rate

Please select a rating for the review.

Please enter title for the review.

Please enter content for the review.

Please enter order number.

Please enter your first name and last name.

Only letters allowed for first name and last name.

Please enter your email.

Upload photo

Cancel Submit

Processing...

Thank you for your feedback! Your review has been submitted and will be published soon.

OK

Be the first to ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Processing...

Thank you for your question! Your question has been submitted and will be published soon.

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK

×