Digital Delivery

Lééf July 18th, 2016 Digital Back Issue Cover

Lééf August 2016 (Digital)

(Write a Review)

Single Digital Issue

August 2016

$2.29

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Lééf (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Lééf (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

43 Articles

‘Wat as jy vandag wakker word met slegs dié dinge waarvoor jy gister dankbaar was?” vra die aanbieder van die oggend se verrigtinge. Ek is ’n gas by die bekendstelling van vanjaar se SPAR Women’s Challenge Pretoria. Dis ’n oggend vol inspirasie en bemoediging. Vanjaar is die tema van hierdie bekende padwedloop “dankbaarheid”. Ons luister na drie jongmense wat onder meer die gebruik van hul ledemate verloor het. Hul dapperheid en positiewe ingesteldheid is verstommend! Die trane wel op as ek dink aan my eie kinders en alles wat ek het om voor dankbaar te wees. Met ’n oorvol hart en gemoed arriveer ek by my volgende afspraak vir die dag. Ek is genooi vir ’n behandeling by die nuwe Rain Africa Day Spa in Brooklyn, Pretoria. Ek word gul…

Ons 10de Nikon-hartfotofinalis!

Maarten Brits (21) van Polokwane is die Augustus-wenner in ons Wys jou hartfotokompetisie saam met Nikon in Suid-Afrika. Hy het die trekker afgeneem terwyl sy pa die lande spuit, maar hy en sus Marijke het eers ná tyd die hart in die wolke gesien. “My broer se liefde vir die plaas is so groot soos daai hart,” sê sy. WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1600. Die algehele jaarwenner kry ’n Nikon D3200 DSLR-kamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2…

Ons 10de Nikon-hartfotofinalis!

sit jou hart op papier

Wenbrief! Die pragtige gewaarwording Ek is in Hanoi, hoofstad van Viëtnam. Dis baie ver van Afrika, nietemin het ek vanoggend op die maat van Afrika-musiek gedans; voor in die kerk, asof ek weer in Malawi is. Dit was ’n Afrika-praise and worship in die hartjie van Hanoi. Daar was selfs Mandela-passies betrokke. En moontlik ’n hoë “lalalalalaleeee”. Ons dien regtig ’n God sonder grense. ’n Kleurblinde God. ’n God wat dansende massas liefhet, maar ook stilswyende sittendes koester. ’n God met ’n humorsin. Ek is seker Hy kyk af en lag vir my met sagte oë en ’n fluweelstem fluister Hy: “Ja, Marais, dat Ek jou nou so ver moes wegstuur om My so te ervaar – asof Suid-Afrika nie divers genoeg is nie.” Partykeer is iets seker so voor…

sit jou hart op papier

Immaculée. Immaculate. Suiwer. By haar geboorte in Rwanda in 1972 kon Immaculée Ilibagiza se ouers beswaarlik raai hoe gepas die naam is wat haar pa vir sy enigste dogter gekies het. Later in haar lewe sou haar dorstige soeke na die Here te midde van enorme donkerte en verlies haar behoud wees. Die bykans instinktiewe keuse van ’n jongeling wat haar pad suiwer bly hou het deur dit na die Woord te hou – dit was al wat sy in haar hart kon bêre toe sy niks anders kon saamvat nie. Nie haar pa of haar ma of hul huis nie. Nie haar lieflingbroer of haar belowende akademiese loopbaan nie. En ook nie haar steierende land nie. Terugskouend was die Franssprekende Immaculée se lewe byna ondraaglik soet voor die Rwandese…

‘Geloof is nie om te glo God kán nie, maar wel dat God sál’ANONIEM ‘Die pad van die regverdiges is soos helder oggendlig wat groei en sterker word tot dit heeltemal dag is’SPREUKE 4:18 ‘Elke loot aan my wat nie vrugte dra nie, sny Hy af; maar elkeen wat vrugte dra, snoei Hy reg, sodat dit nóg meer vrugte kan dra’JOHANNES 15:2 ‘Vrees minder, hoop meer… kla minder, haal meer asem, praat minder, sê meer, haat minder, wees meer lief – en goeie dinge sal na jou toe kom’SWEEDSE SPREEKWOORD ‘Niemand begaan ’n groter fout as hy wat niks gedoen het nie, omdat hynet ’n klein bietjie kon doen’EDMUND BURKE Dra dié maand ons skone land en mense op die hart, met dank en lof vir God…

MY HART KLOP IN DIE BOSVELD

SY HANDEWERK “Die Bosveld is soos ’n ander planeet, ver weg van stede, selfone, ligte en tegnologie. Jy raak weg in elke sonsondergang en glo jy aanskou die handewerk van God” Die bekroonde TVaanbieder en rolprentmaker Bonné de Bod glo die Bosveld hou ’n besonderse bekoring in vir elkeen wat daarvoor lief is. “Vir my is dit waar ek hoort. Dit is die plek waar ek die naaste aan my Skepper voel” Deur haar werk kan Bonné haar droom om die wêreld as ’n beter plek agter te laat met ander Suid-Afrikaners deel. Sy is veral bekend vir haar betrokkenheid by die natuurlewetelevisieprogram 50/50 en haar dokumentêre rolprent Stroop waarin sy die renosterstroopkrisis in diepte ondersoek (die fliek word in September vanjaar uitgereik). “Ek het van kleins af geweet ek…

MY HART KLOP IN DIE BOSVELD

Die lewe in HOOFLETTERS

Daar’s niks soos die maatslag van winter nie, veral as jy in die bos of op ’n plaas is. Dis die geluid van laas nag se yslagie wat die gras onder jou sole laat knars. Die wasem wat soos ’n stoomtrein van ouds uit pas gemelkte beeste se neuse borrel. Die wind wat die woorde van ’n nuwe seisoen deur gestroopte takke fluister. Met die horlosie se korthand op tien is die Irene-melkplaas op die soom van die Jakarandastad reeds ’n woeligheid. Oral is ma’s met stootwaentjies, vriendinne by tafeltjies, kleuters wat op ’n ou roesbruin trekker klouter. Sorina kom soos die Augustus-wind ingewarrel en bestel tee. Twee lepels Sorina met ’n ruimhartige skeutjie Flooze. Pa Braam het die tweejarige Braambossie (oftewel Abraham Carel Riekert die vierde) by die kleuterskool…

Die lewe in HOOFLETTERS

Mopanieveld se mense

‘…want om net hier te kan wéés… Ek dink daar is nêrens anders waar jy so naby aan die Here kan kom soos in die natuur nie’ Hier by Moditlo River Lodge rus jou voete op klippergrond terwyl ’n ligte bries, skaars voelbaar, jou in die onheilspellendheid van die wildernis inwieg. Toe die boma-vuur gisteraand knetterend die al fresco-aandete aangekondig het en hoofsjef, Ian Munnik, vir die kinders skerpioene in die bome gaan wys, kon jy dit voel: ’n tuisheid. Maar ook ’n amperse ongemaklikheid oor jou skielike eenwording met die natuur, jou behoefte om jou skoene uit te skop en die geur van ’n aartappelplant te ruik. By Moditlo moet ’n gids jou saans na jou luukse rondawel vergesel. Jou weerstand word weggehark en jy gee jou oor aan…

Mopanieveld se mense

‘Vroeë Christene het ook palmtakke gebruik om die oorwinning van getroue volgelinge van Christus oor die bose te simboliseer’ Die palmboom het oor ons huis en oor ’n hele kindertyd gewaak. Sy lang, dun stam het soos ’n gebedesuil regop teen die Bolandse lug gestaan. Soms het die groen bopunt in die wind gewieg. Troostend en sussend. Wanneer ek smiddae ná skool met my fiets die steil bult na ons huis toe op trap, kon ek die palm van ver af tussen die buurt se dakke sien uitsteek. Toe my pa een aand met huisgodsdiens lees hoe die juigende skare palmtakke voor Jesus se voete gegooi het toe Hy Jerusalem kort voor Sy kruisiging op ’n donkie binnegery het, het ek gewens ek kan van ons palmboom se takke pluk…

MOOI SOOS ’N BEMINDE

‘Luister na jou liggaam. Dit is nié die vyand nie. Baie van ons het ’n negatiewe en wantrouige verhouding met ons lyf. Ons dink ons is nie maer genoeg nie. Ons het te veel selluliet en nie genoeg spiere nie. Ons het plooie en fronslyne. Ons hare is te krullerig of te plat, te grys of te vaal. Waardeer jou liggaam, nie net hoe dit lyk nie, maar vir al die wonderlike dinge wat dit kan doen: iemand vashou, koffie ruik, kinders baar, liefde gee, en bowenal die Here se werk doen!’KIM GAINES ECKERT…

MOOI SOOS ’N BEMINDE

Die regte vogroom laat jou vel sag en plomp voel, nie te droog nie en ook nie te olierig nie. ’n Vogroom bestaan basies uit ’n mengsel van olie (lipiede) en water waarby ’n aantal voedende bestanddele gevoeg word. Daar is duisende vogrome op die mark, maar hoe gaan jy te werk om die regte een vir jou te kies? Dis belangrik om na jou vel se eiesoortige behoeftes te kyk en daarvolgens te besluit. Begroting speel natuurlik ook ’n rol en selfs ’n meer bekostigbare vogroom kan jou vel voldoende bevog. ’n Vogroom voorkom vogverlies deur ’n beskermende lagie op die vel te vorm wat keer dat vog as’t ware uit die vel verdamp. Jou vel het ’n natuurlike skans wat dit teen vogverlies beskerm. Dit is noodsaaklik om…

Vir jou goue jare

V roue bo 60 vandag is op en wakker, aan die gang, en trots op hulleself en dit wat hulle al vermag het. Hulle voel gemaklik met hul ouderdom en hoe hulle lyk. Daar word nie verniet deesdae geskerts en gesê dat 70 die nuwe 50 is nie – kyk maar net na die aktrise Jane Fonda wat een van die dae haar 77ste verjaardag vier. Dis egter belangrik om te onthou dat die vel se behoeftes en funksies met tyd verander en verstadig. Ouer vroue kan getuig dat hul vel minder ferm is, daar diep plooie om die neus en mond is, en hul vel se tekstuur anders is. Hulle voel hul vel is nou dunner, meer sensitief vir wind en weer en beslis droër as voorheen. En die…

Vir jou goue jare

Bederfdag vir lesers

‘Dis jou verantwoordelikheid om mooi ouer te word en na jouself om te sien’JANE FONDA K om ervaar die saligheid van ’n strelende gesigbehandeling wat spesiaal vir ’n ouer vel bedoel is. Dié behandeling sal jou vel versag en laat straal en word op hierdie spesiale lesersdag teen slegs R125 aangebied! Boonop ontvang jy ’n geskenkpak met die jongste Lééf en L’Oréal Age Perfect Golden Age-produkte ter waarde van R500. Kuier ná afloop van jou behandeling met ’n koppie koffie of tee en ’n soetigheidjie in die Spakafee. Onthou, hierdie bederfdag is spesiaal vir vroue in hul goue jare! Maar bespreek gerus vir Ma of Ouma as jy nie vir die behandeling kwalifiseer nie. Ons redakteur Christine Ferreira is die gasvrou vir die dag en nooi jou om te kom…

Bederfdag vir lesers

TYD VIR JOUSELF

“Verandering word aan ons opgedwing, groei is ’n keuse” MARGARET HEWSON, Look good, feel better Afrika-geur Rain Leaf Natural Perfume ruik na sitrus, lemoenbloeisel en inheemse groen fynbos. Kapokbos en muskus gee ’n warm ondertoon wat dié lieflike natuurlike geur anker. Beskikbaar by Rain-winkels landwyd. R935 vir 50 ml. Vir jou hare Stryk jou hare maklik glad met ’n Ghd Serene Pearl Platinum Styler. Dié stryktang is spesiaal ontwerp om nie die hare te verniel nie en werk vinnig en doeltreffend. R2 299. Uit eie bodem Rain Forest Day Spa by The Village Ridge Boutique Hotel in Pretoria bied besonderse behandelings eie aan ons vasteland. Skakel 012 460 4900 om te bespreek. Rain is bekend vir hul eko-etiese produkte wat van natuurlike bestanddele gemaak word, soos die…

TYD VIR JOUSELF

Meer vog vir jou vel

E pi-max® is nie net ’n Trots SA-produk nie, maar ook ’n veeldoelige versagtende vogroom (emollient) wat deur ’n groep Suid-Afrikaanse dermatoloë en aptekers geformuleer is as alternatief vir te vetterige of waterige vogroom (aqueous cream BP). Dié reeks lyfprodukte bevat ’n komplekse mengsel bestanddele wat spesiaal ontwerp is om die buitenste lae van die vel te versag. Die bestanddele verhoog die vogvlakke in die vel deur die verdamping van water uit die vel te voorkom. Epi-max®-produkte voorsien ’n lipiedelagie op die vel, gee vog aan die stratum corneum (die buitenste lagie van die vel), versterk die vel se eie beskermingslagie, verminder droogheid en waterverlies, en bied verligting van styfheid en jeukerigheid. Die produkte kan help om ekseem en psoriase te verlig en is ideaal vir diegene met ’n droë…

Meer vog vir jou vel

Hiervoor sê ek dankie

Ons het so baie om voor dankbaar te wees, maar dink nie aldag daaraan nie. Vanjaar gaan meer as 25 000 vroue (en mans) deelneem aan die SPAR Women’s Challenge in Centurion om ’n verskil in ander se lewe te maak en hulself te herinner aan dít waarvoor hulle dankbaar is. Tel jou seëninge Helga Barkhuyzen (31) is vanjaar een van die wedloop se ambassadeurs. Dié rolprentmaker en voormalige skoonheidskoningin het twee jaar gelede haar linkerbeen in ’n motorongeluk verloor. Haar deursettingsvermoë en positiwiteit maak haar vir baie mense ’n rolmodel. “Dankbaarheid kom uit diep nederigheid en deur die klein dingetjies in die lewe te waardeer. Ek kan sien, ruik, voel, loop, praat en hoor. Vier die lewe! Dis ’n voorreg om elke dag wakker te kan word.” Izelle van…

Hiervoor sê ek dankie

‘Die Zoeloes gebruik die wortelstok vir verkoue en seer keel terwyl die Swazi’s dit teen malaria aanwend’ Dis ’n storie om te verslind. Die een van die gemmerbroodmannetjie. Na oorlewering liefderik gebak deur ’n ou vroutjie. Maar toe sy haar oonddeur oopmaak, hardloop die mannetjie so vinnig weg as wat sy stoute koekbeentjies hom kan dra. Dorp uit. Met almal agter hom en sy gemmergeur aan. Wat toe ’n jakkals met ’n suikertand snuf in die neus laat kry. Einde van die storie. Maar nie die einde van gemmerkoekmannetjies nie. En beslis ook nie die einde van gemmer en al sy gawe hoedanighede nie. In die Afrikaanse kookkuns bereik C. Louis Leipoldt digterlike hoogtes oor die gemmergeure in sy tuin. Saam met die brom-bye bo die tulpe stem dit hom…

My lewe in ’n plakboek

Die Hoëveld en die Suid-Afrikaanse platteland is ’n yslike skatkis waaruit die skeppende geeste van Soya, ’n aanlynwinkel in Bethal, Mpumalanga, die hele tyd put. “Ons land en sy mooi erfenis is ons inspirasie ” vertel Cornel Botha (33). “Ook ons gesinne is vir ons ’n inspirasie. Die lap genaamd ‘Bertie se huisie’ is deur my seun geteken terwyl ek en Desiré sit en ontwerp het. So wil ons elkeen van ons kinders inspireer en motiveer om deel te wees van die besigheid. “Johanné, Desiré se dogter, studeer grafiese ontwerp aan die Universiteit van Potchefstroom en is tans besig om saam met ons ’n reeks te ontwerp. My man, Jan-Louw, was ook betrokke by die ontwerp van ons nuutste lap, ‘Impala Gala. ” Cornel is getroud met Jan-Louw Botha, ’n…

My lewe in ’n plakboek

Langs louwarm water

Die bloedige hitte van Komatipoort gee jou ’n aweregse klap. As kind het ek geglo dié dorpie kry sy naam van ’n tamatie, omdat dít is hoe jy sou lyk as jy ’n dag hier deurbring sonder ’n hoed op die kop. My argument is nie heeltemal so vergesog nie, veral as jy in ag neem dat die hoogste temperatuur wat op 12 Desember 1944 hier gemeet is, ’n skroeiende 48 °C was. Komatipoort is ons laaste stilhouplek in Suid-Afrika. Wat ’n eksotiese selfry-vakansie by die see betref, is Mosambiek moeilik om te klop. Dit is hoekom ek en my man, Ernest, besluit het om een nag hier deur te bring. Ons het die vorige aand in Malelane oorgeslaap, vroeg weggespring en ná ’n flink stilhou by die Komatipoort/Lebombo-grenspos, is…

Langs louwarm water

Maandag Kyk sonder om te sien Soms gebeur dit dat jy deur jou dae gaan sonder om God raak te sien. Jy is so verstrik in jou eie omstandighede, jy sien net die sigbare dinge. Bid dat God jou oë sal oopmaak om Hom in alles raak te sien. Vra Hom dan om jou te help om jouself deur Sy oë te kan sien. Dinsdag Oogklappe? Dikwels sien jy ook nie die nood en behoeftes van mense rondom jou raak nie. Jy is ingestem op jou eie probleme, of selfs jou eie geestelike groei. Vra dat God jou oogklappe sal afhaal – hierdie keer om ander mense te sien soos Hy hulle sien: mense wat Hy innig lief het, nes jy. Woensdag Balk in jou eie oog? Bid dat God…

God hou van jou!

God dink jy is wonderlik! Hy het jou innig lief nes jy is. Weet jy dit? Gló jy dit? Jy is deurentyd in Sy gedagtes. Ons lees in Psalm 139:17-18: “Hoe wonderlik is U gedagtes vir my, o God, hoe magtig (ontelbaar) hulle almal!” (1983-vertaling) In Jeremia 29:11 lees ons: “Ek weet wat Ek vir julle beplan, sê die Here: voorspoed en nie teenspoed nie. Ek wil vir julle ’n toekoms gee, ’n verwagting!” God het ’n goeie plan vir jou lewe! Hy het nog nooit ’n negatiewe gedagte oor jou gehad nie. Hy twyfel nooit oor jou nie. Hy dink nie aan jou foute nie. En daar is nooit paniek of wan-hoop in die hemel nie. God dink nie: “Sy moet haarself darem nou regruk” of “Wat gaan van…

God hou van jou!

Die opwindende jong Cheetah-speler Willie Britz spog nie net met ’n wilde bos krulhare nie, hy raak ook wild opgewonde oor sy geloof. Dié 27-jarige sportman is op 31 Augustus 1988 in Kaapstad gebore, maar het by die Hoërskool Diamantveld in Kimberley gematrikuleer. Deesdae is Bloemfontein sy tuiste, want dis waar hy flank of agsteman vir die Cheetahs speel. WILLIE BRITZ DRAF NIE NET VIR DIE CHEETAHS OP DIE RUGBYVELD NIE, MAAR OOK VIR DIE HERE . Willie is ’n kolos van 1,93 m en 110 kg en is versot op sy ma se spaghetti. Maar hy verslind ook geestelike boeke soos Beautiful outlaw deur John Eldredge en sy gunstelingliedjie is You’re beautiful van Phil Wickham. En sy meisie? Vir haar wag hy nog. Hoe lank speel jy al beroepsrugby?…

Gebede vir ons land

‘Ek bid vir die geestelike leiers van ons land dat hulle U stem sal hoor en U hart sal ken. Ek bid dat hulle sal lei van hul knieë af voor U troon’ Ek onthou nog goed hoe positief ’n naasbestaande by ’n familiebraai was toe ons huidige president ingesweer is: “Gee hom ’n kans om te wys wat hy kan doen.” Ek moet bieg ek het nie dieselfde optimisme gedeel nie. As ywerige koerantleser was ek sinies oor die vooruitsigte dat ons land se probleme sommer een-twee-drie opgeklaar sou word, en alte bewus dat ’n verandering van landsleier nie noodwendig op die duur vrugte sou afwerp nie. Elke nuwe besem vee immers skoon, en dan, met verloop van tyd, begin die grashalms uitpluis en daar beland selfs stof onder…

Gebede vir ons land

siel van ’n Vrou

Ons is van nature on-mense: ontevrede, ondankbaar, onvergenoegd, onrustig, onvergewensgesind… Seker maar omdat dié tipiese menswees-dinge in ons DNS ingeweef is. Genadiglik kry ons iewers langs die pad die geleentheid om tog anders te word. Om elke oggend nuut te begin en saam met die Gees te groei: om met Hom in ons ’n bietjie beter mens te wees; sagter te word in die liefde; meer te word in vergewensgesindheid; dalk self dieper, verder en groter te dink. Omdat mens egter mens bly, is dit nooit ’n afgehandelde proses nie en verander ons ook nie eensklaps in engelbeeldjies nie. Veel eerder bly ons “nog in aanbou”- mense wat toelaat dat die Vader maar die onooglike afbreek sodat Hy dit met meer delikate lyne kan vervang. Hoe meer Hy ons klei-wees…

siel van ’n Vrou

Elize Parker leef voluit. Met sprankeling en jubeling. En met ’n binne-blydskap wat uit haar innige liefde vir haar God en Vader borrel. ’n Mens kan nie anders as om saam te lag wanneer sy met haar vrolike bry-stem ’n lekkerte deel en haar bruin oë van pure meelewing op skrefies trek nie. Waar sy kom, sleur Elize Parker se entoesiasme mense mee. Of dit as spreker by groot glansoggende vir vroue of by intieme groepies bejaardes is; of as aanbieder van radioprogramme of as deelnemer aan TV-programme. Elize se passie is ook sigbaar én voelbaar in elke boek en artikel wat uit haar pen verskyn. As deurwinterde joernalis en skrywer het sy reeds haar hand suksesvol aan koerant- en tydskrifartikels, tydskrifverhale, kortverhale en romans gewaag. Onder haar Christelike romans…

Uit die hart uit

Dit was Goeie Vrydag 2005. In ons gemeente se Paasdiens het ek en my man aandagtig geluister na die verhaal van Jesus se laaste ure op aarde en hoe Hy verraai en in die steek gelaat is deur die mense naaste aan Hom, sy vriende. Hoe Hy skuldig bevind is en gekruisig is deur die godsdiensleiers van die dag, en hoe die Romeinse soldate Hom verneder het. En dan hoor ons Hom, Sy liggaam gebreek, sê: “Vader, vergewe hulle, want hulle weet nie wat hulle doen nie.” Ek het Jesus se woorde tot daardie Goeie Vrydag nog nooit só gehoor nie. Elke woord het swaar in my gemoed kom lê, want ek het empatie gehad met die verraad wat Hy sopas beleef het. Ons is kort tevore self deur ’n…

Uit die hart uit

glo soos’n kind

Die plaashuis se gang is lank en donker met ’n krakerige houtvloer. Soos dit in ’n ou plaashuis hoort. Die seuns se kamers draai albei uit die gang af. Almal loop dus daagliks by hul kamers verby. Dikwels, daagliks. Eers staan pa Jan stil in die middel van die gang, sy neus na die dak gedraai, dan staan ek stil. Ons ruik, want iewers, êrens, doem daar ’n klankie op: ’n muwwerige, bedompige, onwelriekende klankie. Ek soek in die kamers rond na wat ek vermoed die sondaar kan wees: nat sokkies wat iewers weggesteek lê, ou kosblikke wat in ’n hoek vergeet is, of selfs bewyse van ’n kat wat dalk vir ’n ruk in die kamer toegesluit was… Niks. Maar tussen my optel en oopmaak is ek half ongedurig…

glo soos’n kind

Natuurlik was ek opgewonde toe ons agt jaar gelede by ons nuwe huis ingetrek het. Ek was veral in my noppies met ons splinternuwe badkamer met die reuse-stort en -bad, ’n luukse waaroor ek lank gedroom het. Hoewel ek en Johan toe reeds sewe jaar getroud was en met ’n jong kroos van drie gespog het, het ek toe eers gevoel nóú is ek groot. Ek het immers self die teëls vir die nuwe badkamer gekies! Die dag toe daardie laaste teëls gelê is, was ek behoorlik kop in die wolke. Die badkamer was blinkskoon en nuut en ek het nie op my laat wag om my nuwe oase in ons woelige huis in te wy nie. ’n Paar weke later moes ek maar weer terugkom aarde toe: Die patroon…

My hart se punt

‘Terwyl dit buite stortreën, het hulle op die groot kampbed saam gebondel, die plastiekbak lekkergoed tussen hulle’ Toe ons kinders nog klein was, was kampeervakansies hoog boaan ons lys van gesinslekkertes. Gewoonlik het dit impromptu gebeur, dikwels op ’n weeksaand oor aandete. Een van die seuns sou terloops sê: “Onthou julle daai keer toe ons so lekker op oom Essie se plaas gekampeer het?” Dan was die koeël deur die kerk. Die kamp-knoppie aangeskakel. Niks kon die entoesiasme keer nie. Nie eens ek wat met ’n paar verskonings probeer walgooi nie. Langs die Vaalrivier, waar ons gebly het, was daar ’n hele paar boere wat ons troppie goedgesind was. ’n Paar oproepe later, en ons kampeerplek was gereël. Sommerso, vir dieselfde naweek. Vir die manne was dit maklik. Ma moes…

My hart se punt

Lééf in oorwinning

‘Al was ek soms kwaad en hartseer, het ek bly vashou aan Sy beloftes’ Ek is ’n pastoriekind. Vandat ek kan onthou, het ek ’n verwondering en passie vir die Here en vir Sy kerk. Ek het grootgeword as die dogter van ’n pastoor. Ek was vyf of ses jaar oud toe ek gevul is met die Heilige Gees en in tale begin praat het. Op daardie jong ouderdom het ek een Sondag ’n belofte aan die Here gemaak dat ek eendag ’n pastoor sal word. Ek wou vir die Here werk. My pa was ’n baie dinamiese predikant en ek het ’n groot be-wondering vir hom gehad. Sy preke het my elke keer nader aan die Here getrek. In my matriekjaar het ek vir my pa gesê die Here…

Lééf in oorwinning

Die taal van liefde

‘Geestelike dood gebeur een kompromie op ’n slag’ANONIEM HERONTDEK JOU Emosionele intelligensie Hoekom is sommige mense meer suksesvol as ander in hul werk en die lewe, of selfs albei? Hulle het heel moontlik ’n baie hoë emosionele intelligensie (EI), sê dr. Dorrian Aiken, deeltydse dosent by die Bestuursafrigtingprogram aan die Universiteit Stellenbosch Bestuurskool (USB). “EI speel ’n kritieke rol in die bepaling van jou geluk en sukses. Dit bepaal ook hoe ons ons emosies en impak op ander bestuur, toepas en reguleer. Dit is wetenskaplik bewys dat ’n tradisionele IK en persoonlikheidstoets op hulle eie nie uitvoerende bevoegdheid kan bepaal nie aangesien inherente, emosionele betrokkenheid en motivering sleutelaanwysers van hoë werkverrigting is.” Dr. Aiken sê ons het interpersoonlike én intrapersoonlike intelligensie. “Eersgenoemde is die vermoë om met ander ’n…

Die taal van liefde

‘Voedselonverdraagsaamheid is ’n reaksie op die inname van voedsel of voedselbymiddels wat ’n nadelige uitwerking op die immuunstelsel het ” verduidelik Hilda Lategan, dieetkundige van Pretoria, in haar Kookboek vir allergieë en voedselsensitiwiteit, ’n bundel van die beste resepte uit haar vorige boek (2004) oor dié onderwerp, asook nuwe inligting en talle staatmakerresepte. Ingesluit is onder meer resepte wat koring-, gluten-, mielie-, eier-, melk- en sojavry is. “Teenliggaampies ontwikkel in die bloed wanneer die kossoort, oftewel die allergeen, ingeneem word ” sê sy. Hilda het ’n praktyk in Pretoria en werk al sedert 1975 in verskeie vertakkings van die beroep, onder meer as hospitaaldieetkundige. “Ek glo dié kookboek sal bydra tot goeie gesondheid en ’n positiewer ingesteldheid teenoor die beperkings van ’n dieet wat sekere kossoorte uitsluit” Die boek is…

’n Eie droomtuin

‘Elke kunstenaar is mos maar ’n bietjie selfsugtig en wil net kuns doen, maar God het ander planne vir ’n mens lewe’ Die ligspikkels flikker net ’n entjie weg, maar op ’n hoogte in dié landgoed met sy enorme erwe is jy kwalik bewus van Nelspruit se stadsgees. Hier kwetter die tarentale jou wakker en kom wei die bokke in jou tuin. Jy ervaar ’n afstand tussen die hier en die daar. Celeste brou koffie in haar ateljee met sy byna boheemse karakter wat hulle (tydelik) huis noem. Hulle woon hier terwyl haar man, Montagu Schoeman, langsaan aan sy lewensdroom bou. Sy gaan wys my die huis-in-wording met sy eiesoortige muurafwerking, ou deure en vintage teëls, maar stap jy na die voortuin met sy wye uitsig oor dam en klipkoppie,…

’n Eie droomtuin

1 Die Touwsberg-privaatnatuurreservaat in die hartjie van die Klein-Karoo is sowat drie uur se ry vanaf Kaapstad. Kontak Hugo by 082 823 9777 as jy ’n wegbreekplek vir die naweek wil huur. 2 Gehekelde hartjie (R35) van Met hart & siel by The Cabin-padstalkompleks naby Clocolan. 3 Dié vrolike stoffeerlap met ’n kaktusmotief is van Hertex. www.hertex.co.za 4 Hou stil by die Akkerboom Padstal op die N14 tussen Upington en Kakamas. Hier koop jy gedroogde vrugte, rosyne en dadels uit die omgewing. Skakel 054 463 0030 vir inligting. 5 Die Lééf-span het onlangs die gasvryheid van Dejaview op Nelspruit geniet. Vir meer inligting oor dié gastehuis, besoek www.dejaviewguesthouse.com. 6 Die Lesedi Cultural Village is geleë in die Broederstroom-omgewing, nie te ver van Johannesburg en Pretoria af nie. Veral die vrolike…

Wendy Maartens gesels boeke met…

Geskiedenis het dié 67-jarige Namibiër nog altyd na aan die hart gelê. Maar haar lewenspad moes eers ’n wye draai loop voordat sy Wilhelmina Radebe kom tuis die lig laat sien het. Dié boek was in 2011 die naaswenner in Lapa se romanwedstryd. Onmiddellik daarna spring sy weg met die historiese roman Amraal, waarvan die manuskrip in 2015 die kortlys van NB-uitgewers se Groot Afrikaanse Romanwedstryd haal. Marinda het ’n volle 30 jaar gewag om Amraal te skryf nadat sy in 1986 met hierdie gerespekteerde kaptein kennis gemaak het terwyl sy navorsing gedoen het oor die geskiedenis van Gobabis vir haar proefskrif in geskiedenis. “Amraal voldoen aan die vereistes om as die stigter van my geboortedorp Gobabis erken te word. “Ek het dadelik by die kaptein aanklank gevind en was…

Wendy Maartens gesels boeke met…

Kom sit aan by ’n bruilofstafel as Bruid van Christus en deel van die Koninklike priesterdom, soos geskryf staan in 1 Petrus 2:9 en Openbaring 1:6. In ons tyd saam gaan ons meer leer oor die lewe van die sewe koninginne van die Bybel, sowel as sewe vroue wie se name nie eens genoem word nie, maar wat ’n groot impak gehad het op dorpe én nasies nadat hulle in die teenwoordigheid van Jesus was. Die oggend word aangebied deur Marielle de Vos, pastoor en ambassadeur van Christus. Sy het ’n passie vir Hebreeuse gebruike en veral die raakpunte daarvan met ons lewe as Christene vandag. Sy fokus veral op die identiteit van ons as gelowiges en geliefdes van God. Kom kuier saam en gebruik sommer hierdie geleentheid om Vrouedag…

Ek kom niks kort nie

Verlede Maandag was veronderstel om ’n doodgewone dag te wees. Ek sou die seeman hospitaal toe neem vir ’n opvolgbesoek ná sy knievervangingsoperasie en sommer my mammogram laat doen terwyl ek vir hom wag. Daarna sou ek weer my sperdatums pak. Twee vlieë met een klap. Glad nie ’n slegte begin vir ’n nuwe week nie! Dit was my, mensekind, se planne. Op pad hospitaal toe sak die een Kaapse reënbui ná die ander uit. Die pelikane se groot, sagte lywe maak groot wit hope in die vlei se groen kweek. Tafelberg se kleed is vanoggend eerder ’n geliefde kamerjas wat puntig oor haar pantoffels hang. Plek-plek sleep sy haar donskombers saam – al met die boonste ry huise van Leeukop langs. By die hospitaal spreek ek en die seeman…

Ek kom niks kort nie

TEKEN IN OP LÉÉF TEEN 35% AFSLAG EN GENIET DALK ’N ROMANTIESE WEGBREEK!

‘…iemand wat reg doen, floreer soos groen blare aan ’n boom’SPREUKE 11:28 Teken vandag nog in op Lééf – met hart & siel teen 35% afslag – dis slegs R35,50 per uitgawe (posgeld ingesluit) – en een gelukkige intekenaar en metgesel kan ’n romantiese wegbreek vir twee nagte by die Village Ridge Boutique Hotel & Spa in die hartjie van Pretoria wen. Dié spesiale troetelpakket ter waarde van R6 190 per paar sluit in stylvolle verblyf vir twee nagte, ontbyt, aandete en ontspannende spabehandelings. Die wenner kan een van twee rain spa- behandelings kies: die Two Oceans of die Initiation (albei duur 90 minute). Daar is verskeie rain-winkels regoor die land. Besoek www.rainafrica.com vir adresse en kontakbesonderhede. SÓ TEKEN JY IN: Stuur ’n e-pos na leef_inteken@media24.com Gaan…

TEKEN IN OP LÉÉF TEEN 35% AFSLAG EN GENIET DALK ’N ROMANTIESE WEGBREEK!

Die wenner kry ’n Bernina 330-naaldwerkmasjien ter waarde van R22 670 plus ’n Winon-Fortune IIstomer ter waarde van R2 590! Die twee naaswenners wen elk ’n Winon-Fortune II-stomer ter waarde van R2590 en ’n Clarins-bederfpak ter waarde van R4 205. Daar is ook 7 troospryse van ’n Winon-Fortune II-stomer op die spel. KYK DIE PRYSE! BERNINA 330 Met 17 praktiese, 19 dekoratiewe, 3 kwiltsteke en ’n perfekte knoopsgatmaker is dié stewige model die antwoord vir enige naaldwerker. Direkte kontroles beteken maklike en vinnige verstelling en die skuif-spoedreguleerder, semi-outomatiese naaldbedrader en afsluitsteek-funksie spaar baie tyd. Die WINON-FORTUNE II-STOMER sal jou stoomtake vergemaklik. Die stomer neem net een minuut om gereed te wees en kan aandrokke, gordyne, pakke en stoffering kafdraf. Elke CLARINS-pak bevat ’n Body Lift Cellulite Control, Blush Prodige, Super…

‘Die geheime van God is meer bevredigend as die oplossings van mense’ G.K. CHESTERTON ‘Ek het oor dinge gepraat wat ek nie begryp het nie: U wonderdade was te groot vir my, ek het dit nie verstaan nie’ (Job 42:3) Ons geestelike reis gaan deur verskeie fases. Eers dwaal ons rond, ver weg van God af. Dan, by bekering, vind ons Hom as naby, as Vader, as Vriend! Ons beleef Hom, ons hoor Hom en praat met Hom! Ons begin geestelik groei. Ons leer God beter ken en begin geestelike beginsels beoefen. ’n Wonderlike fase! Maar dikwels “gebeur” die lewe met ons. Skielik werk ons “geestelike wette” nie meer uit nie. Jy bid, jy glo, jy bely… jy doen alles wat jy kan, maar jou geloof “werk” nie! Jy is…

Woorde wat lééf

God se natuur (Lééf met oorgawe bl. 14 ) Genesis 27:28 Nehemia 9:6 Job 12:7-9 Psalm 19:2 Spreuke 3:9 Prediker 3:11 (1933-vertaling) Bid vir ons leiers (Kwessie van geloof bl. 60 ) Jesaja 42:1 Spreuke 21:1 Daniël 2:21 Matteus 6:33 Romeine 13:1-2 1 Timoteus 2:1-2 Vergifnis (Wees heel bl. 68 ) Spreuke 10:12 Spreuke 25:21 Markus 11:25 Lukas 6:37 Efesiërs 4:32 Jakobus 5:16…

Woorde wat lééf

Begin van die jaar besluit ek en my hartsvriendin Trudy om die laaste 100-plus kilometer van die Camino in Spanje te gaan stap. Haarfyn beplan, goed voorberei en alle noodsaaklikhede gepak vlieg ons Nederland toe, van daar af na Madrid, toe verder Santiago toe, en van daar af per bus terug na waar ons begin stap. Onvermydelik kan ons nie die eerste aand op die roete slaap nie. Haas onmoontlik is enige kommunikasie omdat net Spaans verstaan word. Middernag bid ons en besef dan ons enigste uitweg is om die volgende oggend per taxi op die roete te kom. Gelukkig is “taxi” een woord wat elke Spanjaard verstaan en die herberg bestel vir ons een. Hoewel ons nie die Camino as die tipiese Katolieke-bedevaart sou doen nie, het ek die…

Gebedskalender vir Augustus 2016

1 Maandag VREDE IN SA Ek bid vir Suid-Afrika, Here. Ek bid dat partye en faksies hulle daarvan sal weerhou om geweld te stook in hierdie tyd. Amen. 2 Dinsdag WAARHEID IN SA Ek bid vir Suid-Afrika, Here. Ek bid vir U waarheid. Leuens en valse beloftes mag nie seëvier nie. Laat ons die waarheid in liefde sê! Amen. 3 Woensdag U WIL IN SA Ek bid vir Suid-Afrika, Here. Ek bid dat U wil sal geskied. Lei ons op U pad na geregtigheid, vrede, voorspoed vir elkeen. Amen. 4 Donderdag REG IN SA Ek bid vir Suid-Afrika, Here. Ek bid vir U geregtigheid. Ek bid vir sterk, eerbare en bekwame leiers wat die nasie met integriteit sal lei. Amen. 5 Vrydag LIEFDE IN SA Ek bid vir Suid-Afrika, Here.…

Gebedskalender vir Augustus 2016

In This Issue

Description

Details

Reviews

Recent Digital Issues Browse all

Recent Lééf Digital Issues Browse all back issues

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Lééf (Digital) Subscription July 18th, 2016 Issue

Lééf (Digital) August 2016: $2.29

Lééf (Digital) Subscription June 13th, 2016 Issue

Lééf (Digital) July 2016: $2.29

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Customers Also Viewed

Loco-revue Magazine (Digital) Subscription March 1st, 2025 Issue

Loco-revue Magazine (Digital)

12 Issues: $42.68 ~~$85.32~~

Web Design For Beginners Magazine (Digital) Subscription October 17th, 2016 Issue

Web Design For Beginners Magazine (Digital)

Web Design For Beginners 8th Edition: $7.99

stern Magazine (Digital) Subscription March 13th, 2025 Issue

stern Magazine (Digital)

52 Issues: $155.18 ~~$201.24~~

LIVE INTERACTIVE JAPANESE MAGAZINE 互動日本語 Magazine (Digital) Subscription March 29th, 2025 Issue

LIVE INTERACTIVE JAPANESE MAGAZINE 互動日本語 Magazine (Digital)

12 Issues: $45.57 ~~$60.12~~

Fotogramas Magazine (Digital) Subscription March 1st, 2025 Issue

Fotogramas Magazine (Digital)

12 Issues: $12.47 ~~$35.88~~

Loco-revue Magazine (Digital) Subscription March 1st, 2025 Issue

Loco-revue Magazine (Digital)

12 Issues: $42.68 ~~$85.32~~

Web Design For Beginners Magazine (Digital) Subscription October 17th, 2016 Issue

Web Design For Beginners Magazine (Digital)

Web Design For Beginners 8th Edition: $7.99

stern Magazine (Digital) Subscription March 13th, 2025 Issue

stern Magazine (Digital)

52 Issues: $155.18 ~~$201.24~~

LIVE INTERACTIVE JAPANESE MAGAZINE 互動日本語 Magazine (Digital) Subscription March 29th, 2025 Issue

LIVE INTERACTIVE JAPANESE MAGAZINE 互動日本語 Magazine (Digital)

12 Issues: $45.57 ~~$60.12~~

Fotogramas Magazine (Digital) Subscription March 1st, 2025 Issue

Fotogramas Magazine (Digital)

12 Issues: $12.47 ~~$35.88~~

Loco-revue Magazine (Digital) Subscription March 1st, 2025 Issue

Loco-revue Magazine (Digital)

12 Issues: $42.68 ~~$85.32~~

Web Design For Beginners Magazine (Digital) Subscription October 17th, 2016 Issue

Web Design For Beginners Magazine (Digital)

Web Design For Beginners 8th Edition: $7.99

stern Magazine (Digital) Subscription March 13th, 2025 Issue

stern Magazine (Digital)

52 Issues: $155.18 ~~$201.24~~

Reviews