Digital Delivery

Lééf August 14th, 2016 Digital Back Issue Cover

Lééf September 2016 (Digital)

(Write a Review)

Single Digital Issue

September 2016

$2.29

Powered By Zinio

Zinio

Satisfaction Guaranteed

Instant Start

Also available on ZINIO Unlimited logo

Get unlimited access to Lééf (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Lééf (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

43 Articles

Ons lente-uitgawe is amper op pad drukkers toe. Teen my kantoormuur is die vrolike bladsye van die uitgawe opgeplak; in sagte skakerings van pienk en blou. Vir dié uitgawe het ons die amptelike Pantone-kleure van 2016, Rose Quartz en Serenity, as tema gekies. Dit voel mos soos lente! Die hele uitgawe is feitlik uitgelê, buiten ’n laaste artikel oor Koekedoor se Wessels van Vuuren – die foto’s kon onvermydelik nou eers geneem word – en my redakteursbrief! Vandag voel dit egter allesbehalwe soos lente, want die hele land is in die greep van ’n ysige kouefront vasgevang. Donkergrys wolke hang swaar op die horison en dit het regdeur die nag gestortreën. Buite is dit yskoud en oor ons kantoor se tuin is ’n digte mislaag gevou. “Hoe op aarde kan…

Ons 11de Nikon-hartfotofinalis!

Christine Vosloo (41) van Montagu is die September-wenner van ons Wys jou hart-fotokompetisie saam met Nikon in Suid-Afrika. Sy’s nie ’n wintermens nie, maar haar lief-de vir foto’s laat haar gou die veld instap. “Die foto is op ons plaas geneem. Die sonstrale is God se liefde wat ons hart vul met die Heilige Gees.” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1600. Die algehele jaarwenner kry ’n Nikon D3200 DSLRkamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit jou volledige kontakbesonderhede…

Ons 11de Nikon-hartfotofinalis!

sit jou hart op papier

Wenbrief! Gemoedelikheid Snoesig warm onder die verekombers kom nestel my gemmerkat, Brut, hom teen my nek en spin geluksalig. Ek verlustig my in sy sagte pels en luierende motortjie. Dis die spreekwoordelike kat-tevredenheid. Ons moet net keer of ons vergeet van opstaan! Hoe baie keer baai ons nie in ’n genoegdoening van lekker leef en oorgenoeg hê nie? En dan vergeet ons van die wêreld daarbuite – eintlik net ’n paar blokke verder – wat veel minder as ons het. O, ek bid baie hard vir die hongeres en die koulikes, maar wie moet vir hulle sorg? Is ék hier in my gemaksone nie die een wat God se hande en voete moet wees nie? Mag ek eerder die skaaphond wees wat heeltyd soekend is na werk; om ywerig sy…

sit jou hart op papier

My tannie Freda is nie meer met ons nie. Sy luister nie meer Sondagaande na haar gunsteling-arias uit die operas waarin sy self vroeër so hartstogtelik gesing het nie. Altyd ’n serious spender (in haar dogter se woorde), deel sy ook nie meer links en regs geskenke uit wat die ontvangers én haar bankbestuurder na asem laat snak nie. En haar kleinkinders, graag soos bye om ’n stroopblik by haar, mis veral die weelde en warmte van die skoot waarin hulle hulself so kon inwurm. Die laaste jare van haar lewe het ons gemiddeld drie keer per jaar gedink ons neem afskeid van haar. Ná nog ’n voorval van digby die dood omdraai, gaan besoek ek haar ná haar ontslag uit die hospitaal. Sy is wasbleek en hyg na asem,…

‘…want my juk is sag en my las is lig’ MATTEUS 11:30 ‘Kies om gaaf te wees. Kies om te vergewe. Laat jou liefde groei en blink sodat mense jou voorbeeld kan sien en God verheerlik’ VICTORIA OSTEEN ‘Sagmoedigheid, liefde, reinheid – dís die dinge wat ons moet verryk’ JOSEPH SMITH JR. ‘Want by U is die fontein van die lewe; in U lig sien ons die lig’ PSALM 36:10 ‘Laat God se beloftes op jou probleme skyn’ CORRIE TEN BOOM Met die koms van die lente vier ons God se genade om ons te vernuwe en mildelik vrugte te laat dra Dagboek 3 AGS Lighuis Pretoria-Wes bied om 10:00 ’n damestee aan. Redakteur Christine Ferreira praat oor “Wat gebeur met ons as vroue as ons in Sy Lig staan”…

My Eerste liefde

Ek stap op met die trappe na die huis van Heinz (38) en Aletté-Johanni (36) Winckler. Aan die bopunt wink die baldadige rooipienk voordeur. Daaragter kom die klank van vrolike stemme en die verwelkomende reuk van varsgemaakte koffie deur die skiertjies tot by my. Hier lééf mense, dink ek. Ek ontmoet Aletté in die klein sitkamertjie langs haar kantoor. Haar werkplek is gesellig ingerig. Teen die een muur is ’n reling vol uitrustings vir spesiale geleenthede. Tafsy. Sjiffon. Glanskatoen. Kleure en teksture om aan te raak en met jou oë te streel. “Dit is vir my lekker om al die klere net hier te hê,” lag sy. “Aan die een kant is dit deel van my werk as voorkomskonsultant, aan die ander kant hang dit hier omdat my eie klerekaste…

My Eerste liefde

PYN SPEEL DIKWELS ’N BELANGRIKE ROL SODAT JY JOU LEWENSDOEL KAN VIND GEKLEE IN GELOOF ’n Mosterdsaadjie lê in die palm van Wilma le Roux se hand – ’n geskenk van haar ouma en ’n herinnering om selfs in tye van swaarkry haar vertroue in God te plaas. Vir Wilma, die eienaar van Let Love Clothing, was dié boodskap deur die jare ’n anker te midde van ’n stryd teen depressie en die hartseer van twee egskeidings. “Ek het nie ’n groot geloof nie, maar ’n mosterdsaadjiegeloof; ek glo in uitkoms deur God.” Dit was dié onwrikbare vertroue wat haar in staat gestel het om die afgelope paar jaar nie net een nie, maar twéé suksesvolle ondernemings op die been te bring. “Ná my tweede egskeiding sowat agt jaar gelede…

Bruide wil nie hul groot dag met ander bruide deel nie. Elkeen wil die koningin van die kasteel wees ‘Ek het op ’n bouterrein grootgeword,” onthou Ken Rayner (37), die joviale bestuurder van Shepstone Gardens in Mountain View, Johannesburg, wat ook die eienaar se seun is. As kind het hy vanuit sy kamervenster afgekyk op hope bourommel. Daar word steeds gebou en verbeter aan dié versteekte juweel in die hart van die Goudstad wat ook as The Secret Garden bekend is. Van bouers of bouwerk is ek egter nie bewus wanneer ek dié verskuilde koninkryk, deesdae ’n gesogte trouvenue, betree nie. Die hoofgebou van sandsteen uit die omgewing is ’n klipkasteel in die styl van Herbert Baker met ruim vertrekke, ’n staandak en ’n breë voorstoep wat met rankplante gedrapeer…

Wanneer iemand egter met lewensmoed vanuit haar plek van pyn leef, dan leef sy heelhartig Terwyl ons op die stoep sit en uitkyk op die berge, vertel my vriendin Margaux van haar swaarkry-ouma. “Ek dink Christus het van haar gepraat toe Hy in die bergrede gesê het: ‘Geseënd is dié wat weet hoe afhanklik hulle van God is, want aan hulle behoort die koninkryk van die hemel.’ “Ouma Margie se lewe was vol afskeid en verlies en pyn. Sy was nie skaam om te huil nie, maar sy kon net so lekker lag! Sy het elke dag saam met God begin, bewus van haar eie broosheid en totaal afhanklik van Hom. Haar gunstelingteksvers het sy groot voor in haar Bybel geskryf: ‘My genade is vir jou genoeg, want My krag…

MOOI SOOS ’N BEMINDE

‘Die wêreld het meer Deboras (Rigters 4-5) nodig. Ons het Goddelike, sterk vroue nodig om op te staan en die geskenke te gebruik wat God hulle gegee het. Ons het Deboras nodig in ons huise, om hul gesinne te bemoedig. Ons het Deboras nodig in die kerk, wat ons oproep om te gee, te bid en op te offer. Ons het Deboras nodig in die samelewing, vroue wat lei met wysheid, moed en geloof’ J.D. GREEAR…

MOOI SOOS ’N BEMINDE

VERBRUIKERSGIDS Eau-la-la 012 346 3135 Ikon Life 012 332 5423 Milk & Honey 012 346 3733 Retrospective 012 346 2698 The Space 012 346 3984…

Dis noodsaaklik om jou vel hierdie tyd van die jaar ’n hupstootjie te gee ná die lang en koue winter. Verlewendig dit met dié produkte en behandelings. Bobbi Brown Radiance Boost Superfine Walnut Grain & Orange Oil Exfoliating Mask maak ’n daadwerklike verskil aan die vel se voorkoms ná net een aanwending! Dié uitsonderlike masker bevat lemoenolie, kaolin-klei, en alge-ekstrak om die vel gesonder en gladder te laat lyk. Kiehl’s Nightly Refining Micro-Peel Concentrate met quinoa-hulsel-ekstrak word saans aangesmeer om die vel se tekstuur te verfyn. Kies een van die reeks Six Booster Elixir Serums wat jou vel se spesifieke behoeftes vervul. Die Six Whilst You Sleep Booster Elixir Serum is geskik vir alle velsoorte. Elemis Biotec Skin Energising Cleanser, Day Cream en Night Cream bevat ’n kompleks van aktiewe…

Vir jou goue jare

Vroue bo 60 vandag is op en wakker, aan die gang, en trots op hulleself en dit wat hulle al vermag het. Hulle voel gemaklik met hul ouderdom en hoe hulle lyk. Daar word nie verniet deesdae geskerts en gesê dat 70 die nuwe 50 is nie – kyk maar net na die aktrise Jane Fonda wat een van die dae haar 77ste verjaardag vier. Dis egter belangrik om te onthou dat die vel se behoeftes en funksies met tyd verander en verstadig. Ouer vroue kan getuig dat hul vel minder ferm is, daar diep plooie om die neus en mond is, en hul vel se tekstuur anders is. Hulle voel hul vel is nou dunner, meer sensitief vir wind en weer en beslis droër as voorheen. En die vel…

Vir jou goue jare

Bederfdag vir lesers

‘Dis jou verantwoordelikheid om mooi ouer te word en na jouself om te sien’JANE FONDA K om ervaar die saligheid van ’n strelende gesigbehandeling wat spesiaal vir ’n ouer vel bedoel is. Dié behandeling sal jou vel versag en laat straal en word op hierdie spesiale lesersdag teen slegs R125 aangebied! Boonop ontvang jy ’n geskenkpak met die jongste Lééf en L’Oréal Age Perfect Golden Age-produkte ter waarde van R500. Kuier ná afloop van jou behandeling met ’n koppie koffie of tee en ’n soetigheidjie in die Spakafee. Onthou, hierdie bederfdag is spesiaal vir vroue in hul goue jare! Maar bespreek gerus vir Ma of Ouma as jy nie vir die behandeling kwalifiseer nie. Ons redakteur Christine Ferreira is die gasvrou vir die dag en nooi jou om te kom…

Bederfdag vir lesers

TYD VIR JOUSELF

‘Afguns is ’n mors van tyd. Jy het reeds alles wat jy nodig het’ REGINA BRETT Fyngeure Azzaro Chrome Eau de Toilette Limited Edition Summer 2016 is ’n vars geur vir hom met die reuk van viooltjieblaar, neutmuskaat en sederhout. R925 vir 100 ml Avon Dreams Eau de Parfum vier vroulikheid met die geur van pruim en roos. R370 vir 50 ml Chanel No 5 L’Eau is propvol sitrusnote met ’n tikkie jasmyn en ylangylang. R1 600 vir 50 ml . Sag &natuurlik Wees op die uitkyk na die nuwe Schwarzkopf Professional Igora Royal Nude Tones. Dis natuurlike en subtiele skakerings om jou hare by die salon mee te laat kleur.www.schwarzkopf.com Nuut op die rak 1 Nivea Care Shower care & magnolia bevog die vel met makadamianeut-olie en…

TYD VIR JOUSELF

Eet vir die regte rede

Gewoontes bepaal ’n groot persentasie van ons gedrag en handelinge – goed of sleg... “Is jou trane as kind met kos opgedroog?” vra die dieetkundige Zelda Ackerman in haar boek Eet reg – Bevry jouself en jou kinders van emosionele eet (Human & Rousseau). “Was lekkers sinoniem met liefde in jou ouerhuis? Sukkel jy vandag om te onderskei tussen die taal van jou hart en dié van jou liggaam? Probeer jy die een dieet ná die ander net om tel-kens daarvan af te sien wanneer hartseer, moedeloosheid, spanning of angstigheid jou beetpak? “Pak jy koekies en peuselhappies in jou kinders se kosblik omdat jy hulle innig liefhet? Bak jy blikke vol koekies vir jou kleinkinders? Besef jy die manier hoe die samelewing kos gebruik om emosionele behoeftes te vervul, is…

Eet vir die regte rede

My lewe in ’n plakboek

Glenda Lederle onthou haar ouma as ’n stylvolle vrou met ’n passie vir onthaal. Haar ouma het vir haar begeesterde kleinkind kamma-onthale gehou. “Sy het pienk jenewer gedrink en daar was gemmerbier vir my. Ons het madeirakoek gehad en dan sy het my vertel van lank gelede se glansonthale…” Haar ouma se invloed het weerklank gevind in haar gevierde Patisserie in Illovo, Johannesburg, wat geskoei is op die glansryke teekamers en soetgebaktafels van Frankryk. Aan haar sy was Mandy Voudaris, ’n fyngebaksjef wat in die Hilton-hotel in Amsterdam opgelei is, en op die spyskaart was soetgebak soos ’n sjokoladesjiffonkoek, ’n Queen Elizabeth-koek met bessies en ’n parmantige Prins Harry- vierkantige sjokoladekoek met droplekkers. Ná ’n dekade het sy in 2002 die Patesserie in Illovo verkoop en Katerinas-restaurant op die Kurland-landgoed…

My lewe in ’n plakboek

Pretoria, o Pretoria!

Pretoria is my geboortestad. Seker dié dat ’n effense hunkering na die stad reeds as ’n jong meisie hier in my diepte kom lê het. My ma, ’n gebore en getoë Pretorianer, het altyd vertel hoe sy as kind in Rigellaan met haar fiets op en af gejaag het. My oupa-hulle het Haaks Garage gehad en die storie van hoe dié Hollandse familie hul bestaan hier in Pretoria (aanvanklik met ’n fietswinkel) kom maak het, het my gefassineer. Later het my ouers op Tukkies ontmoet en hul universiteitstories was ewe boeiend. Met my het die lewe eers ’n paar wye draaie in Noordwes en die Kaap gegooi voordat ek my as jong volwassene in Pretoria kom vestig het. Hier, in Gert van de Merwe se Groenkloof-ateljee, het ek my wit…

Pretoria, o Pretoria!

Maandag Woorde is kragtig Woorde het groot krag – positief of negatief. Die oomblik wanneer jy iets gesê het, is dit daarbuite. Jy kan dit nie ongedaan maak nie. Daarom is dit belangrik om jou gedagtes suiwer te hou. Dít wat jy dink, glip die een of ander tyd by jou mond uit. Bid dat God die kern van jou denke sal wees. Dinsdag Kwaad praat Die Bybel waarsku ons teen skinder. Jakobus vertel dat die tong soos ’n vuur is wat die wêreld aan die brand steek. Voordat jy dus iets van iemand sê of oorvertel, maak seker of dit waar en opbouend is. Vra jouself af of jy dit in die persoon se geselskap sal kan sê. Woensdag Sagte woorde Die Spreukedigter skryf sagte woorde laat die woede…

God is jou krag

Ek het al gepreek, maar was ’n wrak. Niks het my gelukkig gemaak nie. Ek het desperaat na die Here geroep en die duiwel bestraf en uiteindelik besef ek was altyd desperaat. Ek het ’n plan gehad en God moes my planne laat uitwerk. Op ’n dag het ek Hom hoor sê: “Moet My nie vir nog een ding vra voordat Ek jou nie weer toestemming gee nie.” Dis nie verkeerd om God vir dinge te vra nie, maar ek was net begaan oor wat Hy alles vir my kan doen. Ek het nie na Hom gesoek nie. In Matteus 6:33 kry ons die opdrag: “Stel God se koninkryk eerste… Hy sal vir die res sorg” (Die Boodskap). Ons is God se kinders en Hy wil ons seën. Hy gee…

God is jou krag

Koning in die kombuis

Waar het jy grootgeword? Ek is op Olifantshoek in die Noord-Kaap gebore en het my kinderjare op Kathu deurgebring. Daarna het ons bietjie die land gaan sien en ek het op Secunda gematrikuleer. Jy het lank in Brittanje gewoon… Ek was in 1999 daar vir ’n werksvakansie en het in hotelle en op plase in Yorkshire en die Mere-distrik gewerk. Toe ek weer gegaan het, was dit vir nege jaar. Ek het my ma gehelp kinders grootmaak ná ’n tragedie waarin my stiefsussies hul ma verloor het. Ek het hulle toe versorg tot hulle dit self kon doen. Terwyl hulle by die skool was, kon ek heerlik leer bak, tuinboukunde studeer en vriende met my kamera maak. Het jy spesiaal teruggekom vir Koekedoor ? Nee, ek het…

Koning in die kombuis

Hoekom dan,Here?

Om in ons desperaatheid tot die Vader uit te roep is maar net die begin van ’n nuwe pad van hoop… Jaarliks word ’n miljoen kinders die slagoffers van mensehandel. Miljoene weduwees is die slagoffers van geweld en verwerping aan die hand van hul eie familie en gemeenskap. Nog miljoene mense gaan jaarliks gebuk onder slawerny. Honderde miljoene vroue word verkrag. Hoe, sal menige gelowige vra, hou ’n mens vas aan die waarheid van God se goedheid en liefde, terwyl ons harte uitroep dat geregtigheid sal seëvier? Waar vind ’n mens die balans? Daar is soveel verhale van mense oor die wêreld heen – mense wat deur die Vader geskape is vir ’n lewe van heelheid en seën – wat weens ongeregtheid ’n nagmerrielewe lei. Hoe kan ons dapper genoeg…

Hoekom dan,Here?

siel van ’n Vrou

Almal voel soms soos ’n weeskind: uitgelewer, bietjie eenkant, of ons op die voorstoep sit en na ons ma verlang… Dalk wens ons in sulke tye dat ons reeds by “eendag” kan wees, by die plek waar afstand plek sal maak vir saamwees, waar verwydering vervang sal word met eenheid en ons soomloos met ons geliefdes en ons Vader sal saamleef. Die Here ken en verstaan hierdie emosie. Juis daarom het Hy voor Sy kruisiging en hemelvaart vir Sy dissipels ’n verrassende perspektief kom gee. Hy gaan weg om plek te berei, het Hy gesê. Hy het ook bygevoeg dat Hy eintlik meer nalaat: dat die Gees nou in Sy kinders gaan kom bly en dat Hy daarmee die toekoms – die “eendag saam met Hom” – nou reeds gee.…

siel van ’n Vrou

Dit is net hier in die rustige woonbuurte van Centurion, ’n skrale ses kilometer van waar Charné Bosman (40) en haar man, Carel, nou in Rooihuiskraal bly, waar dié Comrades-wenner se atletiekloopbaan 24 jaar gelede begin het. Sy het op 16 die eerste keer saam met haar atleetniggie gaan draf. Hul gesin het pas van Oos-Londen af hierheen verhuis. “Dit was erg, want ek het miltsteek gekry en probeer byhou, maar tog besluit ek hou daarvan,” vertel sy met laggende groenblou oë. Ses maande later is sy in die provinsiale landloopspan opgeneem en op 20 het sy die eerste keer Springbok-kleure gekry. Toe Charné en Carel sowat agt jaar gelede moes besluit waar hulle wil woon, was Centurion haar eerste keuse. Hul huis was toe die eerste in die Amberfield…

Kom sit aan saam met Marzanne!

Min skrywers kan die leser so meevoer na die land van die Bybel soos Marzanne Leroux-Van der Boon. Haar Israel-reeks (uitgegee deur Lux Verbi) het begin met Granate bloei in Jerusalem en het aanhangers gaande met sy geliefde karakters wat hul geloof in die hedendaagse Israel uitleef. Nou is die negende aflewering hier: Hasukkah shel David – Die tent van Dawid! In die nuwe verhaal is Rivkah weer swanger. Terwyl die terreuraanvalle toeneem, wonder Marc sowel as Rivkah: Is dit regte tyd en plek om nog ’n kind in die wêreld te bring? Dit raak net gevaarliker in Jerusalem se strate. Soos die geboortepyne van sy ma begin, vind Yoshi egter troos in Yeshua se woorde dat sy terugkoms ook soos ’n geboorte gaan wees en dit sal beteken dat…

Kom sit aan saam met Marzanne!

Ons was pynlik eerlik oor ons foute, het ’n paar trane gestort, gebid en dan maar huis toe gegaan Dis ’n Woensdagaand en soos elke week voel dit of die tyd net nie genoeg is nie. Tussen seker maak dat my huismense kos gekry het en ek uiteindelik bed se kant toe kan staan, vou ons dankbaar ons hande om ’n beker koffie en gaan sit in ons kringetjie, ons Bybels oop voor ons. Dit voel na ’n halftyd-spanpraatjie, dié bymekaarkom van ’n groep gelowige vriendinne, wat meen dis nodig om moed te skep vir die “tweede helfte” van die week. Só speel elke week hom af… tot ’n paar maande gelede. Dié aand besef ek ons byeenkoms het êrens langs die pad meer soos groepterapie begin voel, eerder as…

glo soos ’n kind

Dawid, die jongste, se beursie bult met note en sente. Hy is traak-my-nie-agtig daaroor, so asof dit die gewone gang van sake is vir ’n vyfjarige seuntjie. Darius se gesig lyk bekommerd. Hoe het Dawid so baie geld bymekaargemaak as hy dan nog nie eens ’n tand gewissel het nie? Ek sien sommer aan sy opgefrommelde voorkop iets is nie pluis nie: Hy wat die oudste is se spaarblikkie is nie naastenby so swaar soos Dawid s’n nie… “Darius, jy kan nie sommer net die slegste van jou boetie dink omdat dit jou laat beter voel nie. Dawid het nie eens erg aan geld dat hy joune of enige rondlê-sente vir hom sal vat nie. Hy weet nog nie eens wat geld se waarde is nie!” My verduidelikings skeel hom…

glo soos ’n kind

Jou kind & geld

Soms voel dit of daar ’n enorme kloof is tussen ’n hart vir God se Koninkryk en ’n kop wat met geld kan werk. Dag ná dag word ons en ons kinders wysgemaak dat ons régtig gelukkig sal wees as ons swig voor die nuutste slimfoon (al is die maandelikse betaling ietwat hoog), as ons tog maar die pizza met die ekstra kaas bestel (al is dit nie die gesonde opsie nie), of as ons daardie blink motor bestuur (al kan ons skaars die versekering vir dié duur wiele bekostig). Ja, daar is die wêreld se stem wat luid uitroep: koop, koop, koop! En dan is daar ’n stil Stem wat bo die hol klanke van “welvaart” fluister: “Vertrou op God om in ál jou behoeftes te voorsien. Kom, maak…

Jou kind & geld

Jammer, maar...

Hewige rusies was ’n algemene verskynsel in Markus se huwelik. Uiteindelik kon hy dit eenvoudig nie meer uitstaan nie. Hy het uit pure desperaatheid by my om raad kom aanklop: Wat moes hy doen om net weer “normaal” met sy vrou, Janie, te kan kommunikeer? “Eerlikwaar, ek verstaan nie” het hy moedeloos laat hoor. “Selfs wanneer ek sê ek is jammer, lei dit net tot ’n groter rusie. Ek kan eenvoudig nie wen nie!” Markus het die beste bedoelings. Hy weet goed die regte ding om te doen is om te erken jy was verkeerd, maar wanneer hy wel sê hy is jammer, val Janie nie daarvoor nie, want sy woorde klink leeg en sonder enige spyt. Wanneer Markus “drooggemaak het”, sal hy om verskoning vra, net om van Janie…

Jammer, maar...

My hart se punt

‘Ons het nie eintlik gekyk nie. Ons het gespeel’ Toe ons in die middel van ’n kwartaal ons penne uittrek en na ’n nuwe dorp en provinsie verhuis, het ek geweet dit gaan ’n groot aanpassing wees vir my kinders. En dit was. By die seuns se nuwe skole het die jaar reeds sy ritme gekry. Klasindelings was gedoen. Nuwe onderwysers het al hul voete gevind. Die atletiekuitdunne was verby. Die wintersportspanne was gefinaliseer. Dikwels in die beginmaande, terwyl ek namiddae vir my jongste by sy nuwe skool sit en wag het, het ek die kinders dopgehou wat by die hek uitbondel. Die seuntjies stoei en bokspring en gooi rugbyballe vir mekaar. Die dogtertjies stap hand-om-die-lyf en deel hul laaste geheime van die dag. Dan, wanneer die grootste gros by…

My hart se punt

Lééf in oorwinning

‘Die pyn het ook in my huwelik ingesyfer. Ek was ‘n baie moeilike mens vir my man’ As kind moes Retha (44), ’n entrepreneur van Pretoria, gereeld toekyk hoe haar pa haar ma aanrand. “My pa was ’n tromspeler in ’n band en hulle het baie gedrink. Die alkohol het hom in ’n monster verander. “Ek was nege jaar oud toe hy op ’n keer uit die bloute op my en my ma geskiet het terwyl ons in die kombuis besig was om skottelgoed te was. Ons het gevlug vir ons lewe. My ma het besluit genoeg is genoeg en die skeiproses begin. Nie lank daarna nie het my pa homself vergas. “Vir ’n groot deel van my kinderjare het ek dus sonder ’n pa grootgeword. Min mense het geweet.…

Lééf in oorwinning

Die taal van liefde

‘Vra jouself: As die woorde wat jy praat op jou vel sou verskyn,sou jy steeds pragtig wees?’ANONIEM HOE VERGELYK ONS? “Elkeen van ons sukkel daarmee, maar ek dink dis erger vir vroue,” sê die evangelis en skrywer Christine Caine. “Omdat ons emosionele wesens is, kan ons maklik dat elke vergelyking – maak nie saak hoe onskuldig of eenvoudig dit is nie – in skande ontaard. En as die vergelyking die dief van vrede is, is skande die sel wat dit toegesluit hou. Vergelykings is geweldig vernietigend. Dit lei tot minderwaardigheid, verwerping en depressie. Wanneer ons die leuens van vergelykings begin glo, tree skande in en ons begin vrees ons is waardeloos en onbruikbaar. Vergelykings en skande hou ons terug om ons volle potensiaal en vryheid te verwesenlik. Ek weet…

Die taal van liefde

‘Ek wou so lank as wat ek kan onthou my eie restaurant hê,” vertel die begaafde sjef Jan Hendrik van der Westhuizen in sy tweede kookboek wat spog met ’n fyn versnit van plaaslike en Franse koskuns en pragfoto’s wat hy self geneem het. JAN – My kosverhaal is ’n viering van sy eenster-Michelinrestaurant in die suide van Frankryk. Dit bevat meer as 90 resepte vir brode, happies, soetgebak, hoofgeregte van vleis of vis, asook talle resepte vir diegene met ’n suikertand, soos pikante peer-en-saffraan tarte tatin, sjokoladekoek en -mousse met geroosterde piesang en donkersjokolade-en-swartbessietert. “Gedurende my studentejare het ek as kelner gewerk by ’n gesinsvriendelike braairestaurant in ’n winkelsentrum met blikkerige musiek en skel fluoorligte” onthou hy. “Maar dit het my nie gekeer om die gaste by my tafels…

‘Ek was skielik visueel wakkerder vir berge, geboue, figure, gesigte, wolke…’ Op 83 stap ’n opgewekte Paul Andrew steeds ’n dag binne soos ’n nuuskierig-ontdekkende kind. Altyd gretig om dít wat hy waarneem en ervaar met ander te deel – of dit nou sy weergawe van die kurwes van ’n vrou se lyf of die spel van lig en skaduwee op die kontoere van ’n landskap is. Hierdie oudargitek se verhaal is tekenend van hoe dinge wat ’n lewe skeeftrek, soms juis die aansporing kan wees vir mense om uit te breek in nuwe, opwindende rigtings. “Ek het in 1993 in die Mediparkstadshospitaal 60 geword ná ’n driedubbele hartomleiding,” vertel Paul. In daardie stadium was hy ’n baie gerekende argitek wat hom onder meer met ’n lewenslange hartstog – laekostebehuising…

1 Idiom-restaurant-en-wynproesentrum is ’n nuwe fynproewersbestemming teen die hange van die Helderberg buite Stellenbosch. Die moderne gebou is ontwerp deur die argitek Thomas Leach in opdrag van die Bottega-familie aan wie die landgoed behoort. Skakel 021 204 1059 om te bespreek. www.idiom.co.za 2 The Beautiful Life Store in Vierdelaan, Parkhurst, is voorwaar ’n lushof vir liefhebbers van mooigoed. Die winkel is gesluit op Maandae. 3 SIR Juice Fruit Smoothies is lekker én gesond. Dit is beskikbaar in Strawberry & Banana, Mango & Passionfruit, Berries, Yoghurt, Honey & Oats en Apple, Yoghurt, Cinnamon & Oats. R19,99 vir 300 ml. 4 Babablou! Die Amelie Blue Vintage-speelpakkie van Tic Tac Toe kos R300. Besoek www.tictactoekids.com vir bestellings. 5 Maak ’n draai by die Delheim-landgoed hoog teen die hange van die Simonsberg net buite…

Wendy Maartens gesels boeke met…

Die 67-jarige skrywer van die gewilde Vroue van die Bybel… praat met ons vandag (Lux Verbi) het ’n eenvoudige verklaring vir die sewe publikasies en vier dagbeplanners wat sy al die lig laat sien het, haar 23 jaar as Radio Kansel-omroeper, en die program Padlangs wat sy op KruiskykTV aanbied: “Wat ek doen, doen ek omdat ons Vader my gevra het om dit te doen. Dit is ’n fees om die pad in gehoorsaamheid te stap.” Die saadjie vir die boek is geplant toe twee vriendinne dié voormalige dramastudent genooi het om by ’n spesiale vroueoggend in Polokwane oor vroue van die Bybel te gesels. “Ek onthou hoe ek biddend ’n lysie begin maak het wat by Eva begin het. Soos ek elke naam neergeskryf het, het daar ’n kerngedagte…

Wendy Maartens gesels boeke met…

TEKEN IN EN KRY ’N GRATIS BOEK! *

Teken vandag in op Lééf – met hart & siel teen 35% AFSLAG – dis slegs R35,50 per uitgawe (posgeld ingesluit) – en *48 gelukkige lesers kan elk ’n eksemplaar van Nina Smit se dagstukkieboek Blydskap in die môre ter waarde van R199,95 (geborg deur CUM) gratis ontvang. Die inspirerende Blydskap in die môre moedig lesers aan om te leef asof God elke tree saam met ons gee. Die immergewilde Nina Smit fokus in 366 dagstukke op temas soos in pas met God, die wonder van die opstanding, negatiewe emosies en die tyd van God se goedheid. Elke maand begin ook met ’n spesiale inleiding en gebed. SÓ TEKEN JY IN: Stuur ’n e-pos na leef_inteken@media24.com Gaan na www.leef.co.za en teken aanlyn in Bel 087 740…

TEKEN IN EN KRY ’N GRATIS BOEK!

*

Lééf kies 5 van die beste

Hoop wat kaalvoet loop deur Milanie Vosloo In dié 101 dagstukkies wys Milanie Vosloo hoe jy die skoene van jou hart by God kan uitskop en jou gestroopte menswees met Hom kan deel. Die oordenkings in hierdie dagboek is geneem uit Milanie se topverkoperboeke Sielskos vir die vrou wat lééf! en Laat Sy liefde jou lei. Dit word afgerond met teksverse vir spesifieke behoeftes en plek vir notas agterin. Lééf luister na... HallelujahSA Adam Barnard & Henri Scott HallelujahSA is ’n lofprysingsprojek deur Adam Barnard (voormalige lid van Romanz) en Henri Scott. Dié twee toer tans reg oor Suid-Afrika en werk saam met jeug- en skoolkore van die omgewing om vanjaar meer as 50 optredes in sowat 30 dorpe en stede aan te bied. Hulle het nou ook ’n album…

Lééf kies 5 van die beste

Suster Millie se lateks-handskoene is pers. Dieselfde pers as die laventelbosse voor my studeerkamervenster waar Kaapse kanaries heeldag vroetel op soek na saadjies wat hulle geduldig, een vir een, uit die blombuisies ryg. Sodra my gedagtes hul voetpad byster raak, hou ek suster Millie se pers handskoene dop om weer die oggendsonnetjie op my rug te voel. Nadat die biopsie afgehandel is, plak dr. R. ’n gaaspleister oor die gaatjie. “Kan ek sien hoe dit lyk?” vra ek. Dr. R. hou ’n botteltjie met vloeistof op. Teen die lug dryf klein wurmpies weefsel. Dis wit met rooi punte – amper soos LED-Kersliggies. Was daardie wurmpies kort gelede nog in my lyf? wonder ek. “Jy gaan vir ’n dag of wat ’n blou kol hê en gekneus voel, maar jy sal…

‘Gebed is gewoon om ’n vriendskap met God te hê en gereeld met Hom te praat’ TERESA VAN AVILA ‘Kom julle alleen saam na ’n stil plek toe en rus ’n bietjie’. (Markus 6:31 NAV) Ai, min dinge belaai ons met soveel skuldgevoelens soos ons gebedslewe! Ons ken immers gebedstryders wat ure lank kan intree, of gedissiplineerde dissipels wat soggens vyfuur opstaan vir stiltetyd. Daarom pryk ’n beter gebedslewe elke jaar op soveel Christene se Nuwejaarslysie – net om soos die dieet en die gimlidmaatskap teen Februarie weer vergete te wees. Kom ons maak mekaar net eers vry wat gebed betref: Die Skrif gee nêrens ’n opdrag dat ons op ’n sekere manier moet bid nie. Ja, daar is oproepe tot gebed, en die voordele word genoem, maar oor…

Woorde wat lééf

Ons broosheid (In Sy lig bl. 28) Psalms 118:14 (1983-vertaling) Spreuke 30:26 Jesaja 41:13 Klaagliedere 3:22 Joël 2:21-22 1 Petrus 5:10 Emosionele veerkragtigheid (Aanhouer wen bl. 64) Numeri 23:22 2 Samuel 22:40 Jesaja 40:29-31 Hebreërs 10:36 Jakobus 1:12 Filippense 4:13 Geld (Jou kind en geld bl. 72 ) 1 Kronieke 29:12 Psalms 62:11b Spreuke 8:18 Spreuke 31 Prediker 5:18 Esegiël 18 Lukas 8:14…

Woorde wat lééf

Ons kom laatnag in Krakow aan. As ons met ligdag deur die hotel se vensterraam na buite kyk, is die eerste gesig die bome wat teen donker bouwerk afgeteken staan met hul blare gloedmooi van nuutgroen. Teen negeuur ry ons deur die mooie stad, waar amandelbome kwistig wit en donkerpienk langs elke straat bloei. Helder sonlig kleur die statige ou geboue goudbruin. Dis Meimaand in Europa. Voorjaar! Maar ons het nie gekom om Krakow se lente te waardeer nie. Die bussie neem ons Auschwitz-Birkenau toe. Ek en Trudy sit sonder praat en kyk na die landskap wat verbyflits. Bang om te dink wat ons te wagte kan wees. Ná alles wat ek jare lank hartstogtelik nagelees het, wat was eintlik my verwagting? Oor die ingang hang weliswaar die bekende “Arbeit…

Gebedskalender vir September 2016

1 Donderdag NUWE SEISOEN Dankie vir nuwe seisoene, Here. Die winter sal wyk en die lente vir seker aanbreek. Ook in my lewe is ’n mooi, nuwe seisoen op pad. Amen. 2 Vrydag NUWE LEWE Dankie vir nuwe seisoene, Here: bome bot, voëltjies flits rond, die goggatjies skarrel. Ek voel U nuwe lewe ook in my hart. Amen. 3 Saterdag NUWE MOOI Dankie vir nuwe seisoene, Here. Ek sien die bloeisels, ek beleef nuwe geure en sange, ek voel die warmer son. U is in al die mooi! Amen. 4 Sondag NUWE GELOOF Dankie vir nuwe seisoene, Here. Ek wil my verhouding met U bevestig. Lei my ook in ’n nuwe seisoen van geloof, gebed, liefde en diens. Amen. 5 Maandag NUWE HOOP Dankie vir nuwe seisoene, Here. Dit gee…

Gebedskalender vir September 2016

In This Issue

Description

Details

Reviews

Recent Digital Issues Browse all

Recent Lééf Digital Issues Browse all back issues

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Lééf (Digital) Subscription July 18th, 2016 Issue

Lééf (Digital) August 2016: $2.29

Lééf (Digital) Subscription June 13th, 2016 Issue

Lééf (Digital) July 2016: $2.29

Lééf (Digital) Subscription May 16th, 2016 Issue

Lééf (Digital) June 2016: $2.29

Lééf (Digital) Subscription April 18th, 2016 Issue

Lééf (Digital) May 2016: $2.29

Lééf (Digital) Subscription March 14th, 2016 Issue

Lééf (Digital) April 2016: $2.29

Lééf (Digital) Subscription February 15th, 2016 Issue

Lééf (Digital) March 2016: $2.29

Lééf (Digital) Subscription December 1st, 2016 Issue

Lééf (Digital) December 2016: $2.29

Lééf (Digital) Subscription November 1st, 2016 Issue

Lééf (Digital) November 2016: $2.29

Lééf (Digital) Subscription October 1st, 2016 Issue

Lééf (Digital) October 2016: $2.29

Lééf (Digital) Subscription August 14th, 2016 Issue

Lééf (Digital) September 2016: $2.29

Customers Also Viewed

Proceso Magazine (Digital) Subscription March 1st, 2025 Issue

Proceso Magazine (Digital)

12 Issues: $130.00

Lééf (Digital) Subscription January 1st, 2017 Issue

Lééf (Digital)

January 2017: $2.29

Guitar Techniques (Digital) Subscription December 1st, 2024 Issue

Guitar Techniques (Digital)

December 2024: $4.99

Great Walks Magazine (Digital) Subscription February 1st, 2025 Issue

Great Walks Magazine (Digital)

7 Issues: $23.89 ~~$42.56~~

Transworld Snowboarding (Digital) Subscription

Transworld Snowboarding (Digital)

December 2018: $6.99

Sound + Image Magazine (Digital) Subscription December 1st, 2024 Issue

Sound + Image Magazine (Digital)

8 Issues: $15.79 ~~$20.24~~

Innovation & Tech Today Magazine (Digital) Subscription April 16th, 2024 Issue

Innovation & Tech Today Magazine (Digital)

4 Issues: $9.99 ~~$15.96~~

Proceso Magazine (Digital) Subscription March 1st, 2025 Issue

Proceso Magazine (Digital)

12 Issues: $130.00

Lééf (Digital) Subscription January 1st, 2017 Issue

Lééf (Digital)

January 2017: $2.29

Guitar Techniques (Digital) Subscription December 1st, 2024 Issue

Guitar Techniques (Digital)

December 2024: $4.99

Great Walks Magazine (Digital) Subscription February 1st, 2025 Issue

Great Walks Magazine (Digital)

7 Issues: $23.89 ~~$42.56~~

Transworld Snowboarding (Digital) Subscription

Transworld Snowboarding (Digital)

December 2018: $6.99

Sound + Image Magazine (Digital) Subscription December 1st, 2024 Issue

Sound + Image Magazine (Digital)

8 Issues: $15.79 ~~$20.24~~

Innovation & Tech Today Magazine (Digital) Subscription April 16th, 2024 Issue

Innovation & Tech Today Magazine (Digital)

4 Issues: $9.99 ~~$15.96~~

Proceso Magazine (Digital) Subscription March 1st, 2025 Issue

Proceso Magazine (Digital)

12 Issues: $130.00

Reviews