Goeie vennootskappe fondasie vir voedselsekerheid

Thebe Beleggingskorporasie (Thebe) het in 1992 ontstaan om ondernemings se groeipotensiaal deur strategiese vennootskappe te ontsluit tot voordeel van aandeelhouers en die gemeenskap waarbinne hulle sake bedryf. In 2017 het Thebe se direksie die bestuur aangemoedig “om ’n vertikaal geïntegreerde voedsel-en-diensteplatform te skep wat die landbou- en voedselverwerkingsbedryf in Suid-Afrika sal transformeer”. Hierdie versoek is gedoen op grond van kommer oor wêreldwye voedselsekerheid en die impak op Suid-Afrika se groeiende bevolking, asook kommer oor die vaardigheidstekort en gebrek aan transformasie in die voedsel- en landbouverwerkingsbedryf. Jacques de Wet, uitvoerende hoof van Thebe Voedsel en Dienste, en Mokgethi Tshabalala, hoofbestuurder vir voedsel en landbouverwerking, het die uitdaging aanvaar. Saam met die Thebespan het hulle ’n formidabele beleggingsplatform van besighede geskep wat by die produksie en verwerking van mielies, varkvleis, groente, sitrus…