Magzter Gold (Sitewide CA)

Magzter Gold (Sitewide CA)

Digital Delivery

Landbouweekblad January 23rd, 2025 Digital Back Issue Cover

Landbouweekblad 23 January 2025 (Digital)

(Write a Review)

Single Digital Issue

23 January 2025

$3.44

Powered By Zinio

Zinio

Satisfaction Guaranteed

Instant Start

Subscribe Instead

1 Year Subscription

26 digital issues

$5.56

($0.21/issue)

Go to Subscription

View Subscription Options

Also available on ZINIO Unlimited logo

Get unlimited access to Landbouweekblad (Digital) + Back Issues & 5000+ other magazines

1-month free trial

Renews at $8.99/month after trial.
Cancel anytime.

Get unlimited access to Landbouweekblad (Digital) + Back Issues & 5000+ other magazines. Renews at just $8.99/month after trial. Cancel anytime.

Start Trial Learn more

66 Articles

Die ander sê Wêreld se rykstes gebruik hul 2025-koolstofbegroting binne net 10 dae KOOLSTOFVRYSTELLINGS deur die rykste 1% van die samelewing binne die eerste tien dae van 2025 sal drie jaar kos om geëwenaar te word deur iemand van die armste helfte van die mensdom. Dit duur dus minder as ’n week en ’n half vir ’n superryke om gemiddeld 2,1 ton koolstofdioksied vry te stel, toon ’n ontleding deur Oxfam GB. Regerings het onderneem om aardverwarming te beperk tot 1,5 °C bo voornywerheidsvlakke, maar die wêreld bly mikpunte mis. Syfers van die Copernicus-klimaatsveranderingsentrum van die Europese Unie toon dat 2024 die eerste jaar was waarin dié syfer van 1,5 °C oorskry is. Stygende temperature het gelei tot ’n ontluikende krisis van uiterste weerstoestande, van droogtes tot orkane en hittegolwe,…

STOF TOT NADENKE

China wil sy reeds goeie produksie verder met GM verhoog CHINA het 12 tipes geneties gemodifiseerde (GM) sojabone, mielies en katoen, asook vyf ander geneties geredigeerde gewasse goedgekeur. Die nuusagentskap Reuters berig dit is om opbrengste te verhoog, die land se afhanklikheid van invoer te verminder en voedselsekerheid te waarborg. Wandile Sihlobo, hoofekonoom van die landbousakekamer Agbiz, sê China voer al lank GM mielies en sojabone in. “As ’n mens byvoorbeeld na mielies kyk, behoort die goedkeuring van GM saad die plaaslike opbrengste, wat reeds op ’n indrukwekkende vlak is, verder te verhoog. “Dit kan toegeskryf word aan kunsmisgebruik en gunstige omgewingtoestande wat reeds tot beter opbrengste gelei het,” sê Sihlobo. China se mielie-opbrengste is vergelykbaar met dié van Suid-Afrika, Amerika en Brasilië, wat reeds jare lank GM saad gebruik.…

STOF TOT NADENKE

Dié somer verg ’n koelkop

DIÉ geoktrooieerde rekenmeester is ’n deurwinterde NWKaner en ’n passievolle boer. Kleingeld sê die meeste van NWK se kliënte is in Noordwes, waar boere dié seisoen weens laat reën baie later as gewoonlik kon plant. “Met die goeie reën wat ons sedert Kersfees ontvang het, lyk die potensiaal van wat geplant is, baie goed, maar die seisoen is nog lank en met die wisselvalligheid van die klimaat tot dusver, is dit onmoontlik om ’n voorspelling oor die oes te waag.” Die vorige oes was maar 40% so groot as die een tevore en baie NWK-kliënte het géén oes gehad nie. “Ons is hoopvol dat die vooruitsigte nou beter lyk. Met goeie reënval vorentoe behoort baie goeie oeste steeds te kan realiseer,” het Kleingeld middel Januarie gesê. Hoe praat mens boere…

Dié somer verg ’n koelkop

Om dinge vanjaar anders te doen

Ná jare van probeer, het ’n pêl van my en sy vrou uiteindelik vrede gemaak met die hartseer werklikheid dat hulle nooit ’n kind van hul eie sal hê nie. Dat dit net hulle twee sal wees op die afgeleë bergplaas, veral ná die ontydige afsterwe van sy pa. En toe, uit die bloute, kom die verbysterende nuus van ’n hoogs onverwagte swangerskap. Die onbeskryflike blydskap van ’n gesonde dogtertjie wat hulle toe ryker word. My pêl, oorbluf deur die vooruitsig van daardie bitter spesiale verhouding tussen ’n pa en sy dogter, was nog nooit in sy lewe gelukkiger nie. Maar toe raak dinge taai op die plaas. Die wolprys sukkel, vleispryse duik en alles raak net duurder, terwyl bek-en-klouseer ook nog sy skade maak. Skielik klop die somme nie…

Om dinge vanjaar anders te doen

POSBUS 1802, KAAPSTAD 8000; e-pos: lbw@landbou.com WENBRIEF Saam in die droogte: Dan drup die reën soos trane Dawid se Psalm 23 spreek tot my terwyl ek self bokke oppas. Dis droog, roofdiere is honger en dan moet misdaad ook probeer voorkom word. Die wolke pak mooi saam – dis nie “Land Bank-wolke” nie. Dit lyk belowend, maar dis warm. Ek kyk op na die wolke, waar sal die reën vandaan kom? Die reën kom van die Here wat hemel en aarde gemaak het en nooit die werke van sy hande laat vaar nie. Dit reën, dit dreun en blits om my, ek kry net die wind en die lekker reuk van reën. Wie ken nie daardie gevoel nie? Ek praat met Vader God en besef Hy ken ons behoeftes. Plek-plek…

Minister se wiele laat die modder spat

Die modder spat oor Action SA se beskuldiging dat landbouminister John Steenhuisen rondrits in sy eie vloot van luukse blouligvoertuie, waaronder ’n Audi Q7, BMW X5 en Toyota Prado – elk meer as ’n miljoen rand werd. Willie Aucamp, DA-woordvoerder, sê Action SA probeer die publiek mislei. Die werklikheid is dat alle voertuie vir DA-ministers oorgedra is uit die vorige bedeling nadat DA-ministers self die aanskaffing van enige nuwe voertuie verbied het. Die DA het self ook ’n verbod geplaas op die gebruik van blouligkonvooie en sê DA-ministers moet hul reisreëlings daarvolgens beplan. Aucamp sê hoewel die voertuie wat aan hulle oorgedra is, blou ligte het, word dit nooit gebruik nie. Lede van die uitvoerende gesag het twee ampsmotors – een in Gauteng en een in die Wes-Kaap. In Steenhuisen…

Minister se wiele laat die modder spat

Mielies ‘staan op soos Lasarus’

DIE meeste boere in die somergraanstreke sê die seisoen is vanjaar baie later as die vorige een. Veral Mpumalanga-boere moes oorplant. Hulle is baie dankbaar vir die reën wat laat in Desember en vroeg in Januarie geval het. Baie saaiboere gaan nou in die komende weke sonneblomme of suikerbone plant, wat steeds voor die winter sal uitgroei. Mielies in veral Noordwes is baie laat geplant – op sommige plekke selfs eers ná Kersfees – wat nie optimaal is nie. Dit blyk ook dat die boere in Noordwes minder geneig was om sojabone aan te plant as die afgelope twee seisoene, juis omdat hulle bekommerd was oor die gewas se prestasie as dit minder reën. Gesaaides ‘haal weer asem’ Danie Bester van Balfour in Mpumalanga sê toestande lyk tans baie beter…

Mielies ‘staan op soos Lasarus’

Somerseisoen nog in die weegskaal

IN sy jongste verslag oor die produksietoestande sê Graan SA dat die aanplantings vir 2024-’25 in die algemeen baie later as die vyfjaar-gemiddelde was weens laat reën en die groot dele wat oorgeplant moes word. Sedert einde Desember het broodnodige reën oor die grootste deel van die oostelike Hoëveld en KwaZulu-Natal voorgekom, asook oor dele van die Vrystaat en Noordwes. Daar is egter steeds dele waar dit nie gereën het nie en waar die gewasse verdor. Daar is ook baie boere wat weens te min grondvog nie kon plant nie en onder finansiële druk verkeer, terwyl hulle steeds van die vorige droë seisoen probeer herstel. Luidens die verslag is die toestand van die aanplantings buite besproeiingsgebiede ondergemiddeld. Sojabone lyk in die meeste gebiede nie belowend nie. Mielies wissel baie van…

Dele van Mpumalanga kry reeds meer as 300 mm reën in nuwe jaar

VROEGSOMER was dit só droog dat hy baie van sy mielies en sojabone moes oorplant. Nou reën dit só baie, dat alles stilstaan, vertel Wouter Theron, wat tussen Standerton en Morgenzon in Mpumalanga boer. “Ons het ongeveer 80% van alle mielies en sojas oorgeplant – 47 ha van die sojas vir ’n derde keer. Die oorgeplante gesaaides is baie, baie jonk. Die jong mielies is mooi, maar die jong sojas sukkel maar in die nat, koel toestande sonder son. “Alles staan stil vanweë die reën. Die lande is ook vervuil met onkruid. Sodra die son skyn, sal ons bespuit. “Dit lyk of die gesaaides maar ondergemiddeld gaan wees en ons hoop om die vroeë ryp vry te spring. Die damme in die omgewing loop oor, wat lei tot skade aan…

Dele van Mpumalanga kry reeds meer as 300 mm reën in nuwe jaar

Namibië juig oor reën, maar kolle steeds droog

’N GUNSTIGE weerstelsel in die eerste week van Januarie het vir swaar neerslae oor ’n groot deel van Namibië gesorg, sê Thinus Pretorius, voorsitter van die Namibiese Landbou-unie en beesboer van Otjiwarongo. Volgens hom het die land se twee vernaamste damme, Von Bach en Hardap, ’n noemenswaardige invloei gehad wat kritiek noodsaaklik was. “Sowat twee derdes van die land het baie goeie neerslae gehad, wat sal verseker dat bosse ontkiem en bot. Daar is egter kolle, veral in die diep suide en aan die westekant van die land, wat nog nie reën gehad het nie. Aan die ander kant is daar weer plase in die noordooste wat reeds op 400 mm vir die jaar staan.” Dawie de Klerk, lid van die Hardap-boerevereniging, het Dinsdag 7 Januarie gesê daar het wel…

Namibië juig oor reën, maar kolle steeds droog

SA nog in Agoa, maar geen nuus oor avo’s en sitrus

SUID-AFRIKA is ná Amerika se gereelde jaarlikse hersiening wéér ingesluit by die groep van 32 Afrika-lande suid van die Sahara wat tariefvoordele ingevolge die Amerikaanse wet op groei en geleenthede in Afrika (Agoa) geniet. Hoewel dié wet einde September verstryk, meen Wolfe Braude, bestuurder van Agbiz Fruit, dat die kanse klein is dat dit nié hernu gaan word nie. Daar is wel risiko’s rakende Suid-Afrika se voortgesette insluiting, en gesprekke is nodig om dit te verseker. Hy het op ’n mediadag gesê die nuwe termyn van Donald Trump, wat op 20 Januarie as president van Amerika ingehuldig is, bring onsekerheid wat betref Suid-Afrika se avokado-uitvoer na Amerika, asook sitrusuitvoer uit die 80% van die produksiegebied wat Amerika nog nie toelaat nie. “Vir die sitrusbedryf kan toegang vir die oorblywende 80%…

SA nog in Agoa, maar geen nuus oor avo’s en sitrus

BFAP-som wys landbou het nie só erg gekrimp

DIE inkrimping in die landbouekonomie was volgens BFAP se berekeninge eerder 5% tot 6% as Statistieke SA se amptelike syfer van 15,5%. BFAP het op versoek van AgriSA en Agbiz die data ontleed waarvolgens die departement van landbou die sektor se BBP bereken het en wat aan Statistieke SA voorsien is. Hoewel ’n inkrimping veral weens die kleiner mielie-oes verwag is, het die groot omvang daarvan, volgens die amptelike syfer, ontleders en beleidmakers laat kopkrap. Die syfer wat wyd in die media gebruik is as die amptelike inkrimping in die landbouekonomie in die derde kwartaal, vergeleke met die tweede kwartaal, was 28,8%. Dié drie instellings het in Desember in ’n mediaverklaring bekend gemaak dat BFAP se berekeninge tot ander bevindinge gelei het. Die buro verduidelik in ’n meegaande tegniese verslag…

BFAP-som wys landbou het nie só erg gekrimp

Bloubessieboer ly reuse-skade weens suzuki-asynvlieg

DIT is waarskynlik net die begin van groot skade wat bedrywe soos bloubessies, tafel- en wyndruiwe en steenvrugte ingrypend kan raak. “Die suzuki-asynvlieg (Drosophila suzukii, afgekort SWD) is deel van die groeiende aantal risiko’s en ons sal daarop bedag moet wees,” sê dr. Gulu Bekker, tegniese konsultant en navorsingsbestuurder van Berries ZA. Hy is ook ’n assosiaat-navorser in entomologie aan die Universiteit Stellenbosch. Volgens ’n tegniese bestuurder by ’n bloubessie-uitvoermaatskappy het die plaag gedurende die laaste week van die 2024-oestyd ook kop uitgesteek op Wes-Kaapse plase. “Dit is moeilik om ’n bedrag aan die skade te koppel, maar ons is baie bekommerd oor vanjaar. “Die 2024-seisoen het net 10% van die oes dalk skade gehad, maar die druk begin opbou namate die SWD-bevolking toeneem. Die belangrikste boodskap wat ons nou…

Bloubessieboer ly reuse-skade weens suzuki-asynvlieg

Top-landbouneigings: Gaan robotte bossies uittrek?

’N TERUGKEER na meganiese onkruidbekamping, dié keer dalk eerder deur robotte en nie mense nie, is een van die topneigings in die internasionale landbou. Só het ’n spreker verlede jaar gesê op die konferensie van die internasionale vereniging vir voedsel- en agrisakebestuur, aldus Theo Boshoff, uitvoerende hoof van die landbousakekamer Agbiz. Die gebruik van robotte en meganiese bekamping word veral genoem ten opsigte van lande waar die arbeidskoste beduidend hoër as in Suid-Afrika is, asook weens die teenkanting teen die gebruik van oesbeskermingsprodukte en onkruiddoders. Dit kan wel ’n dekade of twee duur voordat so iets ’n algemene gebruik word. In Suid-Afrika is die landboubedryf se potensiaal om werk te skep, juis ’n belangrike punt in die nasionale ontwikkelingsplan, asook die meesterplan vir die landbou. Ander neigings in die internasionale…

SA bedrywe reg vir nuwe internasionale standaard

SUID-AFRIKAANSE wol- en sybokhaarboerderye en -bedrywe, wat reeds aan die vereistes vir die RMS- en RWS-standaard vir gesertifiseerde volhoubare vesels gewoond is, behoort gemaklik te wees met die nuwe vereenvoudigde internasionale Materials Matter Standaard (MMS) wat Textile Exchange ontwikkel het. Só meen belanghebbendes in die Suid-Afrikaanse bedryf, van wie sommige reeds in afwagting van die amptelike inwerkingtreding MMS-tipe oudits doen. Boere wat meer prakties ingestel is, hoop op beter premies vir al die vereistes en werkverrigting wat die sertifisering meebring. Die doelwit van die MMS is om die bedryf te help om sy kweekhuisgasvrystellings teen 2030 met 45% te verminder. Textile Exchange is ’n internasionale organisasie sonder winsbejag wat “voordelige oplossings vir die klimaat en natuur oor die wêreld heen in die mode-, tekstiel- en klerebedryf bevorder”. Luidens sy projekdokument…

SA bedrywe reg vir nuwe internasionale standaard

SA se appels weer welkom in Thailand

SUID-AFRIKAANSE appelkwekers en -uitvoerders het ’n vroeë Kersgeskenk gekry met die nuus dat hul appels weer in Thailand welkom is. Roelf Pienaar, besturende direkteur van Tru-Cape Fruit Marketing, een van Suid-Afrika se voorste uitvoerders van appels en pere, het kort ná die aankondiging gesê om Thailand as ’n nuwe bestemming in die Verre Ooste vir Suid-Afrikaanse appels te hê, sal die maatskappy se teenwoordigheid aansienlik uitbrei. Kultivars soos Fuji, Joya en Royal Gala sal baat vind by hierdie toegang tot die Thaise mark. Pienaar het ook genoem dat hy gunstige uitkomste vir Pink Lady-appels in die toekoms verwag. Luidens ’n verklaring deur Hortgro het Suid-Afrika jare gelede toegang tot dié mark verloor. Intussen moes gewag en hard agter die skerms gewerk word, maar uitvoerders is opgewonde om hul verhouding met…

SA se appels weer welkom in Thailand

Lewensversekering hét implikasies vir boedelbelasting

Dit is alombekend dat lewensversekering in baie gevalle in boedelbeplanning gebruik word om voorsiening te maak vir likiditeit of kontant om sekere uitgawes, boedelkoste en belastings te dek. Lewensversekering word ook gebruik om kapitaal te voorsien wat deur afhanklikes gebruik kan word om ná die afsterwe van die versekerde vir hul inkomstebehoeftes voorsiening te maak. Dit is belangrik om die moontlike impak van boedelbelasting op hierdie kapitaaluitbetalings in ag te neem en nie onnodige verrassings te kry nie. Talle adviseurs en hul kliënte verkeer onder die indruk dat wanneer ’n begunstige op die polis benoem is en uitbetaling direk deur die versekeraar aan die begunstigde gemaak word, daar geen boedelbelasting ingevolge hierdie versekering betaalbaar is nie. Dit is egter ’n heeltemal verkeerde afleiding. Wat wel waar is, is dat die…

Lewensversekering hét implikasies vir boedelbelasting

Risikobestuur: Klem val ál meer hierop

Risiko is deel van besigheid en die landbou het sy eie unieke stel risikofaktore. Die beginsel is hoe hoër die risiko van die betrokke besigheid, hoe hoër behoort die winsmarge en opbrengs op kapitaal te wees om vir die risiko te vergoed. Die maatstaf wat onlangs genoem is, is dat ’n opbrengs op kapitaal van 12-15% eintlik op boerderye van toepassing behoort te wees. Volgens dié argument kan ’n mens in ’n sogenoemde risikovrye staatseffek belê teen die huidige rentekoers van sowat 9%. Indien jy ’n risikopremie van sowat 5-6% het, behoort jy ’n minimum kapitaalopbrengs van sowat 15% (voor belasting) te kry. Natuurlik weet ons dit is nie die geval in Suid-Afrika nie, veral waar geen staatsondersteuning is om die impak van klimaats- en ekonomiese rampe te versag nie.…

Risikobestuur: Klem val ál meer hierop

Elke grootte dra gewig

Statistieke SA het einde verlede jaar die voorlopige resultate bekendgemaak van die ontleding van boerderye wat vir BTW geregistreer is. Die inligting is relatief beperk, en is nagegaan teen ander bestaande landbousyfers van die departement van landbou. Dit gee wel ’n insig in boerderye van verskillende groottes en hul bydrae tot landbou-inkomste. Die ontleding is gegrond op ’n opname en ontleding van landboubesighede wat by die Suid-Afrikaanse Inkomstediens vir BTW geregistreer is. Die identifikasie is volgens internasionale standaarde gedoen. ’n Boerdery-eenheid kan uit verskillende plase bestaan wat as ’n eenheid bestuur word, maar binne een munisipale grens is. Dit is duidelik dat dié ontleding nie ’n volledige prentjie gee van die Suid-Afrikaanse landbou nie. Dit is onduidelik hoeveel boerdery-eenhede met ’n omset van minder as R3,5 miljoen daar is wat…

Elke grootte dra gewig

CenGen gaan karoobossies se DNS ontsyfer

Karoobossies, daardie ikoniese groep Suid-Afrikaanse plante wat allerweë beskou word as die rede vir Karoolam se sonderlinge geur en smaak, se genoom gaan vanjaar ontsyfer word. CenGen (Edms.) Bpk., ’n onafhanklike plantgenetiese laboratorium op Worcester wat die werk gaan doen, het dié aankondiging in Desem-ber op die aanlyn platform LinkedIn gemaak. Afgesien daarvan dat dit die eerste sodanige poging op verskillende gebiede is, gaan dit ’n waardevolle hulpbron vir wetenskap in die toekoms skep. Dr. Renée Prins, stigter en direkteur van CenGen, sê die ontsyfering van die genoom van vyf karoobossies is deel van die 1KSA-inisiatief waarvolgens die genoomvolgorde van 1 000 unieke Suid-Afrikaanse diere, plante en swamme bepaal gaan word. Dit kan help om die land se biodiversiteit beter te verstaan. Die werk is toekomsgerig, sê Prins. “Die konsepgenoomsamestellings…

CenGen gaan karoobossies se DNS ontsyfer

Bekamp rotte en stof vir veilige dierevoer

STOF en rotte hou ’n groot gevaar vir lewendehawe en mense in, en boere moet dit deeglik bekamp, is op ’n simposium van die vereniging van veevoervervaardigers (Afma) in Pretoria gesê. Die tegniese verkoopsbestuurder van Perstorp Animal Nutrition in Spanje, dr. Burak Ruperez, ’n veearts wat in enkelmaagdiere spesialiseer, het gesê gevalle van salmonella neem wêreldwyd toe. Byna 94 miljoen gevalle word jaarliks aangemeld, waarvan 85% na voedsel teruggespeur kan word. Dit lei tot 155 000 sterftes per jaar. Die besmetting van dierevoer is vanaf grondstowwe (deur swamme, gisting en verrotting), droë voer (deur veral bakterieë) en water (deur mikrobiologiese besmetting) afkomstig. En op die plaas kan mense en gashere voer besmet. Boere moet gevolglik alle moontlike stappe doen om die voer te beskerm. Dit begin by opberging nadat die…

Bekamp rotte en stof vir veilige dierevoer

Só kan kunsmatige intelligensie bewaring bevorder

DAAR is 21 maniere waarop kunsmatige intelligensie (KI) die bewaring van biodiversiteit wêreldwyd kan verbeter, meen ’n paneel bewaringswetenskaplikes en kundiges van KI. Dr. Sam Reynolds, ’n nadoktorale navorser by die Universiteit van Cambridge in Brittanje, en kollegas skryf in Trends in Ecology & Evolution dié 21 maniere sluit nuwe interpretasie van beeld- en klankdata, digitale “tweelinge” vir ekostelsels, beter modelle van spesieverspreiding en KI-gedrewe bewaringsadviseurs in. “Ons glo aanvaarding van KI in bewaring kan voordelige gevolge vir doeltreffende bewaring inhou en ons help om die natuurlike wêreld beter te verstaan.” Hulle beklemtoon dat dit nie ’n wondermiddel is wat gevestigde tegnieke van bewaring, opleiding en navorsing op grondvlak ten volle sal vervang nie. Van die moontlikhede met potensiaal is dat KI kan help met die uitkenning van spesies om…

Só kan kunsmatige intelligensie bewaring bevorder

Van ‘speelboer’ tot megaboer tot Amerikaanse ‘kleinboer’

Inligting Danville, Kentucky, Amerika Naam: Nossa Farms Eienaarskap: Privaat Vertakkings: Beeste Gemiddelde reënval: 1 220 mm/jaar (sneeu ingesluit) Die gras is nie noodwendig groener in Amerika nie, maar vier jaar nadat Tony da Costa (47) van ’n megaboerdery in Gauteng weggestap en op 150 ha in die deelstaat Kentucky begin boer het, was hy nog nie ’n dag spyt nie. “Ek boer lekker in Amerika, al is dit op ’n baie kleiner skaal as toe ek deel van Manjoh Ranch by Nigel was,” het Tony onlangs aan veeboere op Otjiwarongo, Namibië, vertel, waar hy ’n genooide spreker van die Namibiese Landbou-unie was. Die boere het behoorlik aan hierdie aangename man se lippe gehang. Tony se pa, Manuel, en dié se broer, Johnny, was die eienaars van Manjoh Ranch by Nigel…

Van ‘speelboer’ tot megaboer tot Amerikaanse ‘kleinboer’

Rooibos in sy bloed, vernuwing in sy DNS

Die energie op Oudam, die middelpunt van die Marais-familie se boerdery in die Paleisheuwelgebied by Citrusdal, is aanvoelbaar. Dit is November en die trekkers loop, vrugte word gepluk en gepak, en mense beweeg – alles op ’n drafstap. Dis glo hoe dinge al die jare daar gedoen word, met groot energie, hope vars denke en ambisieuse planne wat uitgevoer word. Rooibos Bpk., die maatskappy aan wie hulle hul rooibostee lewer, het die familie in Oktober 2024 vereer vir hul bydrae tot die rooibosbedryf. Tog is rooibostee net een van die vertakkings in dié hoogs gediversifiseerde boerdery. Braam Marais, die derde geslag Marais in die boerdery en verantwoordelik vir produksie, dink nie hul boerdery wat ook met verskillende sitrus- en nektarienkultivars, appelkose en perskes vir droëvrugte, jaargewasse vir hooi en weiding,…

Rooibos in sy bloed, vernuwing in sy DNS

Oor data, KI, presiese werktuie - én stewels op diegrond

Ekonomiese druk, klimaatsverandering, skaars hulpbonne en ál groter druk om volhoubare boerderypraktyke te volg, is van die sleutelkwessies waarmee boere stoei. Gelukkig help tegnologie – party gefokus en ander in die breë toegepas – dat boere aan die voorpunt kan bly. Die groot kwessie is egter om data reg te ontsluit. Lieb Venter, besturende direkteur van die Suid-Afrikaanse landbouadviesmaatskappy FarmVision, doen navorsing en aanbevelings oor tegnologie wat boere help om slimmer te werk. Hy sê tegnologie is ’n huis met baie kamers. “Tegnologiese vooruitgang in werktuie sal steeds op presisielandbou konsentreer, en outomatisering kry ook aandag. Talle boere gebruik reeds GPS-werktuie, hommeltuie en robotika om plant, bespuiting, algehele gewasbestuur en oes na ’n nuwe vlak te neem.” “Dié tegnologieë verbeter doeltreffendheid deur vermorsing van byvoorbeeld brandstof, saad, kunsmis en water…

Oor data, KI, presiese werktuie - én stewels op diegrond

Pluimveeboere benoud oor risiko vir voëlgriep

Die uitbrekings van voëlgriep in kommersiële troppe in verskeie lande laat verlede jaar, asook ’n uitbreking op Marion-eiland suidoos van Suid-Afrika, verhoog die risiko dat die plaaslike pluimveebedryf vanjaar weer kan deurloop. Die eier- en braaihoenderbedryf het gedurende die voëlgriepuitbreking van 2023 verliese van miljarde rande gely weens uitbrekings in teeltroppe, en die eierbedryf moes miljoene lêhenne van kant maak. Die staat betaal geen vergoeding as hoenders van kant gemaak moet word nie, en het ook nie ’n prakties haalbare en bekostigbare raamwerk vir inenting nie. Dr. Abongile Balarane, hoofbestuurder van die Suid-Afrikaanse Pluimveevereniging (SAPV) se eierorganisasie, het begin Desember gesê die organisasie is baie bekommerd oor voëlgriepuitbrekings wêreldwyd, onder meer in Amerika en Australië. “Om die waarheid te sê, ons voel paniekerig dat voëlgriep op ons drumpel is. As…

Pluimveeboere benoud oor risiko vir voëlgriep

Primêre bedryf: ‘Soek na oplossings’

Hoewel daar vir die melkbedryf ’n sprankie hoop is dat rakverkope kan verbeter, word dit gedemp deur die uiters teleurstellende prestasie van die Suid-Afrikaanse ekonomie in die derde kwartaal van 2024, sê Bertus van Heerden, hoofekonoom van die Melkprodusente-organisasie (MPO). Teen druktyd was dit die jongste beskikbare syfers. “Die bruto binnelandse produk (BBP) het in die derde kwartaal met 0,3% gekrimp nadat dit in die tweede kwartaal met 0,3% gegroei en in die eerste kwartaal slegs water getrap het. Die Internasionale Monetêre Fonds het groei van 1,1% vir die Suid-Afrikaanse BBP in 2024 verwag, maar dit het teen einde 2024 hoogs onwaarskynlik gelyk. “Suid-Afrikaners kan verwag dat die groeikoers vir 2024 uiteindelik heelwat laer sal wees as die 0,7% in 2023, ten spyte daarvan dat daar in die laaste maande…

Primêre bedryf: ‘Soek na oplossings’

Nuwe bedeling vir waterbestuur vind sy voete

Die nuwe bestuursagentskappe vir opvangsgebiede is almal reeds gestig en nog net 70 besproeiingsrade moet in watergebruikersverenigings omgeskakel word. Gregory Smith, uitvoerende hoof van die Suid-Afrikaanse vereniging van watergebruikersverenigings (SAAFWUA), sê die departement van water en sanitasie se onderhandelinge vir die oordrag van amptenare van die departement se streekkantore na bestuursagentskappe duur voort. “Dit behels ’n taamlike proses en daar moet met vakbonde onderhandel word. Alle personeel gaan nie noodwendig oor na die bestuursagentskappe nie. Die amptenare het ’n keuse. “In die aanloop moet die betrokke bestuursagentskap ook onderhandel oor die rolle wat personeel moet vervul, wat nie noodwendig dieselfde is as die departement se werksbeskrywing nie. Die rolle van amptenare wat in die streekkantore bly, kan ook verander nadat ander amptenare na bestuursagentskappe oorgedra is.” Die departement gee steun…

Nuwe bedeling vir waterbestuur vind sy voete

AgriSA huldig ‘oom Nic’ met sy aftrede

Nic Knoetze het einde Desember 2024 as uitvoerende hoof van die Suid-Afrikaanse vereniging van watergebruikersverenigings (SAAFWUA) afgetree. Hy word opgevolg deur Gregory Smith, AgriSA se voormalige waterafdelingbestuurder, wat die afgelope vier jaar onder Knoetze se toesig as bedryfshoof gewerk het. Smith het op 1 Januarie vanjaar die leisels oorgeneem. Janse Rabie, hoof van natuurlike hulpbronne by AgriSA, ken Knoetze al sedert hy (Rabie) ’n skoolseun in Bloemfontein was, waar sy pa, Nicho, en Knoetze saam by die destydse departement van waterwese en bosbou gewerk het. Rabie het namens AgriSA hulde gebring aan “oom Nic”, soos hy wyd bekend was en onder andere deur Senzo Mchunu, vorige minister van water en sanitasie, aangespreek is. “Oom Nic was ’n dryfveer in die formulering en praktiese inwerkingstelling van waterwetgewing en -beleid in Suid-Afrika.…

AgriSA huldig ‘oom Nic’ met sy aftrede

Samewerking steeds ’n bitter pil

Dit was wel nie ’n heeltemal gladde 2024 vir Suid-Afrika se primêre suikerrietwaardeketting nie, maar dit was steeds ’n welkome verbetering op die dikwels onstuimige voorafgaande jare. Hoewel die geraamde sowat 17 114 538 ton suikerriet wat tydens die 2024-’25-seisoen verwerk is, minder is as die 17 943 532 ton van die 2023-’24-seisoen, is die huidige seisoen se voorlopige finale verhaalbarewaarde-prys van R7 721,51/ton ’n welkome styging van R245,97/ton teenoor die voorafgaande seisoen. Hierdie daling in opbrengs word grootliks toegeskryf aan laer gemiddelde reënval oor dele van KwaZulu-Natal en Mpumalanga waar suikerriet verbou word. Nietemin is die 2024-’25-seisoen se geraamde totale suikerproduksie van 1 950 269 ton (2023-’24: 2 005 208 ton) steeds genoeg om die plaaslike mark en uitvoermarkte te voorsien. Verfrissend verenig Die Suid-Afrikaanse Suikervereniging (SASV), die Suid-Afrikaanse…

Samewerking steeds ’n bitter pil

Flou jaar vir rooibos, maar 2025 bring geleenthede

Al was die rooibos-oesskatting en gevolglike lewering in die kol, ervaar boere steeds prysdruk weens ’n voortslepende oorskot. Werner Nieuwoudt, voorsitter van die Rooibosprodusentevereniging, sê verlede jaar se verwagte plaaslike rooibosproduksie is aanvanklik op sowat 14 000 ton geskat, sowat 30% minder as in 2023, en die werklike oes was naby daaraan. “Ondanks die kleiner oes was die rooibosprys by die plaashek steeds onder enorme druk weens ’n oorskot rooibostee van vorige jare se oeste. “Die rooibosstreek het verlede jaar bogemiddelde reënval gehad, wat daartoe bygedra het dat nuwe aanplantings goed gevestig kon word. Daar was selfs opvolgreën in Oktober, wat ook gunstig vir die nuwe aanplantings was.” Hy sê die oorwegend koeler somermaande in die besigste oestyd vanaf Januarie tot April het ook ’n invloed op die tee se…

Flou jaar vir rooibos, maar 2025 bring geleenthede

Wettige waardeketting op sy knieë

Rookseine van die beleërde tabakbedryf val nie meer op dowe ore nie, en ’n deurbraak teen onwettige handel lyk moontlik. Belanghebbendes in en ontleders van Suid-Afrika se tabakwaardeketting het reeds dikwels gesê ongeag die regering se pogings om die verbruik van tabakprodukte te ontmoedig, sal baie mense aanhou rook. Dit is volgens berigte bewys deur die feit dat die onwettige tabakhandel wat geen belasting betaal nie en geen wette nakom nie, ontplof het om tans ongeveer 70% markaandeel te hê van alle sigarette wat landwyd in Suid-Afrika gerook word. Francois van der Merwe is ’n direkteur van die Limpopotabakverwerkersonderneming (LTP) wat oondgedroogde tabak van ongeveer 70 Suid-Afrikaanse boere verkry en dit vir die vervaardiging van wettige sigarette verwerk. Hy sê 2024 was nog ’n moeilike jaar vir dié boere. Hulle…

Wettige waardeketting op sy knieë

Topjongboer en stoetteler wag sy kanse geduldig af

KORTOM ■ Nadat Guy English se boerdery met kommersiële vleisbeeste en mielies begin het, het hy in 2017 sy stoetery T&G Beefmasters gevestig en ontwikkel. ■ Hy is bereid om te wag vir stoetbulle waarvan hy hou om weer op die mark te kom wanneer hulle ouer en bekostigbaarder is om hul oorblywende produktiewe jare ten volle te kan benut. ■ Guy hoop om bykomende grond te koop of te huur om sy stoetery tot 1 000 teelkoeie uit te brei. Inligting Ligging: Middelrus, KwaZulu-Natal Naam: Holcombe Eienaarskap: Trust en eie besit Grootte: 1 750 ha plus 250 ha gehuurde kikoejoeweiding Vertakkings: 235 ha geelmielies (droëland); 15 ha Eragrostis-gras vir sny en baal; 1 500 ha natuurlike weiding (suurveld en semi-soetveld gemeng); T&G Beefmasters-stoetery van 580 teelkoeie; kommersiële Beefmasters-kudde van…

Topjongboer en stoetteler wag sy kanse geduldig af

Pannar se ‘grondpadmielie’ dié boer se staatmaker

Volgens Heinrich Mulke van die Williet-boerdery buite Douglas in die Noord-Kaap, ’n streek bekend vir veeleisende weerstoestande, is Pannar se geelmieliebaster PAN 3P-924PW ’n “grondpadmielie”. Dit beteken dit bly staan in nat of droë, koue of warm toestande en presteer beter as ander basters. “Al het ons soms erge windtoestande, bly die mielies se staanvermoë uitstekend.” Hy is vol lof vir Riaan Janse van Vuuren, sy Pannar-streekverteenwoordiger. “Ek kan hom enige tyd bel en raad vra.” Heinrich, wat op verskillende plase weerskante van Douglas boer en water uit die Vaal-, Riet- en Oranjerivier-kanaal onttrek, plant Pannar se mielies op 500 ha. Sy grond is meestal Hattingh-rooisandgrond, hoewel sommige gedeeltes klei is. Die besproeiingsgedeelte maak 90% van die totale boerdery uit – hulle het ook ’n bietjie beeste en wild. Koring…

Pannar se ‘grondpadmielie’ dié boer se staatmaker

SA se goue geleentheid met rooi kiwi’s

KORTOM ■ Rooi kiwivrugte lok groot belangstelling op die mark, maar die produksie daarvan is nog nie behoorlik op dreef nie. ■ Suid-Afrika het rooi kiwikultivars wat groot vrugte met houvermoë oplewer, en kan ’n reputasie opbou as een van die min verskaffers van dié besondere vrugte. ■ Met rooi kiwivrugte kan beter pryse as met hul geel susters verdien word. Moderne rooi kiwivrugte het die potensiaal om ’n netto boerderyinkomste van bykans 40% tot 50% meer as hul geel susters te verwesenlik. “Ander lande, soos Nieu-Seeland, sukkel nog om ’n kultivar te kry wat die regte vruggrootte en rakleeftyd bied, maar vir Suid-Afrika is daar ’n groot geleentheid. Ons het uitstekende kultivars wat vir ons groot vrugte met ’n goeie houvermoë gee,” het Pieter de Jongh van The Kiwi…

SA se goue geleentheid met rooi kiwi’s

Herkouers: Van ‘ondiere’ tot oplossings

Herkouers is grasvretende herbivore wat die voedingstowwe vir hul voortbestaan uit plantgebaseerde kos kry. Hulle doen dit onder meer deur voer voor vertering in ’n aangepaste maag te laat fermenteer. Dié fermentasieproses word hoofsaaklik deur mikrobes uitgevoer. Weens hul unieke spysverteringstelsel verskil die spysverteringsproses van herkouers grootliks van dié van mense of omnivore soos honde (sien die TABEL). Weens hul spysverteringstelsel stel herkouers groot hoeveelhede metaan (CH4) mondelings vry. CH4 is ’n kweekhuisgas wat verband hou met aardverwarming. Die vrystelling daarvan (ook genoem enteriese fermentasie), is verantwoordelik vir 80% tot 90% van alle kweekhuisgasvrystellings wat met herkouers geassosieer word. Enteriese fermentasie is die hoofpunt in die debat wat aanvoer dat herkouende plaasdiere, veral skape en beeste, skadelik vir die klimaat en die omgewing in die algemeen is. Daar word dus…

Herkouers: Van ‘ondiere’ tot oplossings

‘Sir’ Japie Lutz: Bobaas van die vore

As die koning ooit weer iemand ’n sir maak, behoort Japie Lutz ’n sir te word. Só het die plaaslike dokter van Kenhardt, ten aanskoue van die voltooide Noordvoor by Kakamas, in groot bewondering gesê. Dit was omstreeks 1911. Ry ’n mens vandag met die grootse Bobbejaankrans af op pad na Kakamas van Keimoes af, voel dit kompleet soos die Wilde Weste waar daar enige tyd ’n ruiter op sy perd kan opdoem en sy hoed in ’n groet lig. En net daarna is die wingerde en landerye en Grootrivier, die voedingsaar van die omtes, is voor jou. Dit is hier waar die legendariese Japie Lutz se handewerk vandag nog die asem wegslaan. Vir die reisiger hou die waterkanale en veral die watertonnels ’n diep bekoring in. Dit is suiwer…

‘Sir’ Japie Lutz: Bobaas van die vore

Slim spuite en innovasie in aksie

Jurie Bezuidenhout, ’n boer van die distrik Schweizer-Reneke in Noordwes, vertel hoe hierdie Case IH-tegnologie sy boerdery verander het. Waarom die Case IH Patriot? Jurie gebruik ’n Case IH Patriot 4350-spuit met ’n 41 meter lange balk en ’n tenk van 4 500 liter. Hy het spesifiek die wyer balk gekies om werk vinniger af te handel. Die AIM Command-tegnologie in die Patriot het hom beïndruk. “Die vermoë om verskillende drukkings te gebruik deur net ’n knoppie te druk, maak ’n reuse-verskil. Jy kry ’n deurlopende druppelgrootte, ongeag jou spoed. Dit verseker dat jy jou produk akkuraat en doeltreffend op die grond kry.” Volgens Jurie het hierdie tegnologie die waterverbruik aansienlik verminder. “Met glifosaat kan ons nou met slegs 30 liter water per hektaar bespuit, pleks van die gebruiklike 70…

Slim spuite en innovasie in aksie

‘Poelie’ speel klaar met steekse trekkers

Inligting Distrik: Bredasdorp, Wes-Kaap Naam: Grashoek, Hermanusheuwel (by Klipdale) Grootte: 4 000 ha (altesaam vier plase) Eienaarskap: Trust Vertakkings: Graan (koring, hawer, kanola en gars), vleisbeeste (Angusse en Bonsmaras), skape (Merino’s en SA Vleismerino’s), melkery (Holsteins en Ayrshires) Grond- en veldtipe: Meestal Glenrosa en wasbank, asook Oakleaf en sandgrond Gemiddelde reënval: 800 mm/jaar Die afgelope twee jaar het dele van die Overberg heelwat meer reën as gewoonlik gekry. Niemand wil ’n gegewe paar millimeter van die hand wys nie, maar dit bring uiteraard sy kwota probleme. Trekkers en werktuie val soms vas tydens ploeg- en strooptyd. Wat die vasvalprobleem vererger, is dat die groot trekkers vasval sonder ’n nóg groter kandidaat om tot die redding te kom. Pieter du Toit van die plaas Grashoek in die Strandveldgebied van die Overberg…

‘Poelie’ speel klaar met steekse trekkers

Brandverklikker in informele huise waarsku gou Die 15 tot 30 brande wat daagliks in informele nedersettings uitbreek, lei tot die dood van minstens een persoon per dag, luidens navorsing in 2020 deur die Universiteit Stellenbosch. Dit het Francois Petousis, uitvoerende hoof van die tegnologiemaatskappy Lumkani, ’n oplossing laat bedink wat innoverende tegnologie, inklusiewe finansiering en vennootskappe behels. “Ons het besluit om op brandvoorkoming te konsentreer en tegnologie sáám met gemeenskappe pleks van vir hulle te ontwerp.” Die resultaat is ’n palmgrootte brandverklikker wat tans in sowat 65 000 informele huise in Suid-Afrika geïnstalleer is. Dit aktiveer ’n alarm wanneer die verklikker ’n vinnige temperatuurstyging in ’n beperkte ruimte waarneem. In dié opsig verskil dit van konvensionele brandverklikkers wat geaktiveer word wanneer daar rook is. As een Lumkani-brandverklikker geaktiveer word, aktiveer…

Bevry van teer, tuis(er) op grond

In die vorige verslag oor dié Land Cruiser, ná toetsritte op stedelike paaie, was ek krities oor die gebrek aan tasbare gehalte. (Lees gerus “Nuwe Prado: Legende of windlawaai?” by shorturl.at/TSvzt.) Dit is omdat die Prado, eens sinoniem met robuuste luuksheid, teleurstellend voel teenoor van sy voorgangers en sy groter broer, die Land Cruiser 300. Ondanks al sy toerusting voel Prado se kind nie of hy uit graniet gebeitel is soos die vorige twee geslagte Prado’s nie. In die hek geduik Iets wat ’n mens gou opval, is die bak en kajuit se effense gebrek aan afronding en ingenieursvernuf. ’n Venster wat oop is, rammel byvoorbeeld in sy raam wanneer die deur toegeklap word. Die deure self voel dun en blikkerig, en die deurhandvatsels voel aangeplak. Sulke tekortkominge kan dalk…

Bevry van teer, tuis(er) op grond

Dié sitrussap gee gesondheid ’n hupstoot

In die Sondagsriviervallei in die Oos-Kaap, waar die geur van sitrusbome die lug vul, het SOGA Organic – Suid-Afrika se enigste organies gesertifiseerde sitrussapprodusent – ’n nis in die landboumark gevind. Dié maatskappy kombineer vernuwing met ’n verbintenis tot ’n gesonde leefstyl en omgewingsvriendelike praktyke om produkte te lewer wat varsheid, gesondheid en egtheid waarborg. Varsheid verseël SOGA Organic bied ’n indrukwekkende reeks bevrore sapprodukte wat regoor Suid-Afrika beskikbaar is. Dit sluit in: ■ 250 ml-botteltjies sap in geure soos lemoen, rooi pomelo, suurlemoen en nartjie. ■ 100 ml-lemoenysies (Orange Rocket) – beskikbaar as los eenhede of in pakke van tien. ■ 24 bevrore suurlemoensapsakkies (10 ml elk) in ’n herseëlbare pak. ■ 500 ml-lemoensap in ’n gesertifiseerde komposteerbare bottel gemaak van suikerriet. ■ Onlangs bekend gestel: 1 liter lemoensap…

Dié sitrussap gee gesondheid ’n hupstoot

’n Voedsame keuse vir weiding

Barmultra II, bekend om sy vinnige groei, hoë voedingswaarde, uitstekende siekteweerstand en aanpasbaarheid, is ’n waardevolle toevoeging tot enige weidingspakket. Hierdie Italiaanse raaigras is ’n tetraploïede grassoort, wat beteken dit het groter plantselle wat lei tot groter blare en sade. Danksy die groter selle het tetraploïede plante ’n groter verhouding van oplosbare koolhidrate teenoor vesel, wat die potensiaal vir beter diereproduksie inhou. Barenbrug het ’n lang geskiedenis van uitstekende raaigrasteling, wat aangedryf word deur die visie om die beste tegnologie en oplossings vir die boer te bied. Met die klem op doeltreffendheid, gehalte en volhoubaarheid het Barenbrug dit reggekry om wêreldklas-produkte soos Barmultra II te ontwikkel. Barmultra II is ’n vyfster- Italiaanse raaigras wat die afgelope agt jaar topresultate in onafhanklike proewe in Suid-Afrika gelewer het. Dit word uitgeken aan…

’n Voedsame keuse vir weiding

Lekker kos – én dis goed vir jou

Rosé sangria ’n Heerlik verfrissende (en gesonde) drankie vir die somer. Ek gebruik Carmién se gegeurde rooibostee in al my resepte, nie net vir die heerlike geur daarvan nie, maar ook vir die gesondheidsvoordele. ■ 500 ml Grenache rosé■ Sitrusvrugte soos lemoen, pomelo en lemmetjies, in skyfies gesny■ 2 groenappels, in skyfies gesny■ ’n Groot hand vol aarbeie, in skyfies gesny■ 4-6 sakkies Carmién Cranberry Hibiscus Cold Brew-rooibostee of 2 familiegrootte Cranberry Hibiscus-teesakkies■ Verkoelde sprankelwater of tonikumwater om aan te vul■ Ysblokkies Giet die rosé in ’n groot fles en voeg die vrugte en teesakkies by. Laat staan vir minstens 10 minute (verkieslik 30 minute) tot die tee lekker in die wyn getrek het. Voeg net voor opdiening verkoelde sprankelwater of tonikumwater na smaak by, asook ’n klompie ysblokkies. Lewer…

Lekker kos – én dis goed vir jou

PLAASHUISE Volkseie geskiedenis en tydlose wysheid

Tipiese plaashuise, veral in die Karoo, is eenvoudig en prakties gebou, dikwels met boumateriale, soos klei, modder, riete en stene, wat in die onmiddellike omgewing beskikbaar is. Die invloed van plaaslike gemeenskappe, hul kultuur en manier van doen is dikwels ook in die boustyle te sien, wat beteken dat geboue in verskillende streke heelwat van mekaar verskil, soos die Kaaps-Hollandse huise in die Wes-Kaap wat met koffieklip gebou is, en sandsteenhuise in die Vrystaat. Tog het die Suid-Afrikaanse argitektuur ook by die internasionale neigings probeer hou sover as wat die tyd se ekonomiese en buitelandse invloede dit toegelaat het. Natuurlike materiale Volgens Theresa Hardman, ’n argitek van Hardman Architects in Gqeberha, is tipiese plaashuise in Suid-Afrika eenvoudig en meestal vir funksionele doeleindes ontwerp en gebou. Die dik mure wat steeds…

PLAASHUISE
Volkseie geskiedenis en tydlose wysheid

Riviere van lewende water

In Esegiël 47:12 lees ons: “Weerskante op die wal van die stroom sal allerlei vrugtebome groei. Hulle blare sal nie verlep nie en hulle vrugte sal nie opraak nie. Hulle sal elke maand dra, want die stroom se water kom uit die heiligdom. Die vrugte sal daar wees om te eet en die blare om genesing te bring.” Ek was onlangs in die Krugerwildtuin, waar dit baie droog was. Daar was baie veldbrande en die diere is aan groot spanning blootgestel. Uiteindelik is dit egter die riviere se lewende water wat daardie pragtige park weer vir God se wilde diere sal laat herstel. Ons as boere moet ook water tap uit die rivier wat nooit opdroog nie — die rivier wat genesing vir ons liggame sal bring en ons vrede…

Riviere van lewende water

’n Anderster jagdag

Op pad van Olifantbeen af huis toe het daar in die weste ’n bank uitgereënde wolke gelê. Die son het oranje en pienk ondergegaan. Die bakkie se dieselenjin het gesellig gedreun saam met die klanke van die Klipwerf-boereorkes uit die CD-speler. Op die bak was die karkasse van twee mooi rooibokke, en ’n groot rustigheid het in my hart kom lê. Ek het skielik weer besef hoe geseënd ons is om in hierdie mooi land te woon. Olifantbeen is Jackie Pieterse se plaas naby Adelaide. Ons twee kom ’n lang pad saam, letterlik en figuurlik, want ons het al meer as 2 000 km met bergfietse in die Oos-Kaap rondgery om geld vir ’n verdienstelike saak in te samel. Die jagtog moes al twee jaar gelede plaasgevind het, maar daar…

’n Anderster jagdag

BLOKRAAISEL 1786

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Iets in die kombuis Lees op bl. 94 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 95 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 7 Februarie 2025. Geen posstukke word meer as…

BLOKRAAISEL 1786

Groot pynappelboer se dood skok

FRED VISSER, voormalige Suid-Afrikaanse Boer van die Jaar en gewese pynappelboer van Hluhluwe in KwaZulu-Natal, het Maandagnag 10 Desember in sy huis in Ballito gesterf. Landbouskrywers SA het hom in 1999 as Boer van die Jaar aangewys. Hy was ook die voorsitter van Kwanalu, die provinsiale landbou-unie in KwaZulu-Natal, en ’n lewenslange ere-voorsitter van die landbou-unie. Dié ware landbou- en gemeenskapsleier was ook drie jaar raadgewende lid van die Hluhluwe-Umfolozi-adviesraad en was raadslid van die Big 5-munisipale raad op Hluhluwe. Visser (79) het onder die boerderynaam Gwanzi Queen Pynappels geboer. Volgens Sandy La Marque, uitvoerende hoof van Kwanalu, was Visser ’n standvastige voorstander van die landbougemeenskap in KwaZulu-Natal en ’n belangrike figuur in Suid-Afrika se landbousektor. “Hy het ’n onwrikbare verbintenis getoon om die lewensbestaan van boere te verbeter, volhoubare…

Groot pynappelboer se dood skok

Baanbreker Danie Steytler laat diep spore in wynwêreld

DANIE STEYTLER (72) van Kaapzicht by Stellenbosch, die sestiende wynboer in Suid-Afrika wat ’n private handelsmerk begin het en wenner van internasionale wyneerbewyse, het op 5 Januarie sy stryd teen kanker verloor. Die Steytler-familie het Danie se “ongelooflike nalatenskap” geëer. Steytler het in 1977 saam met sy pa, George, op die plaas Rozendal in die Bottelary-heuwels by Stellenbosch begin boer. Sy geloof in die gehalte van hul druiwe en ’n droom om die plaas se wyne self onder hul eie handelsmerk te bottel, het gelei tot die plaas se eerste eie wyn, ’n Weisser Riesling, wat hy in 1984 gemaak het. Voorheen het die Steytlers alle druiwe en grootmaatwyn aan die destydse Stellenbosse Boerewynmakery (SFW) verkoop. SFW het die plase wat aan hulle gelewer het, se name as hul eie…

Baanbreker Danie Steytler laat diep spore in wynwêreld

Landbou- en rugbyreus rus tussen sy plaasbome

DR. JOHN WILLIAMS, Springbok-rugbyspeler en -afrigter, Blou Bul-held, landbouleier en vee-en-wildboer, is in Alldays ter ruste gelê nadat hy op 5 Desember weens kanker gesterf het. Sy vrou, Mariana, vertel hulle het haar man langs die huis en lapa begrawe. “Nou kan ons heeldag vir hom kyk.” Hartroerende huldeblyke het sy troosdiens in die Gereformeerde gemeente op Alldays gekenmerk. Ds. Wynand Rademeyer het vertel hy het altyd die ou grote op die Tukkie-kampus in Pretoria sien loop, min wetend dat hy hom eendag sou begrawe. “Hy was een van die vele helde in my lewe.” Williams se oudste kleindogter, Melinda van Aswegen (27), se briefie was roerend: “In ons kinderdae was ons heeltemal onbewus van sy prestasies. Deur die jare het ons meer geleer van die glorie van sy loopbaan,…

Landbou- en rugbyreus rus tussen sy plaasbome

Wêreldbekende in die piesangbedryf oorlede

DR. JOHN ROBINSON (81) is op 21 Desember ná ’n kort siekte oorlede. Robinson, wie se navorsing ná meer as 30 jaar nog van toepasssing is, is verlede jaar by die viering van die 30ste bestaansjaar van die Du Roi-piesanglaboratorium in die Letsitelevallei vir sy lewenslange bydrae tot die bedryf vereer. Hy het hom in 1998 as tegniese bestuurder by die Du Roi-span aangesluit nadat hy reeds bekendheid verwerf het as die direkteur van die Landbounavorsingsraad se instituut vir tropiese gewasse. Suné Wiltshire, bestuurder van die laboratorium, sê seleksies wat vandag nog gebruik word, is aan die beginjare saam met Robinson ontwikkel deur ’n proses van somaklonale variasie. “Hiervoor het hy piesangplante geselekteer vir ’n korter planthoogte, korter groeisiklusse, silindriese trosse en ’n hoër opbrengs. Hierdie seleksies is internasionaal geëvalueer…

Wêreldbekende in die piesangbedryf oorlede

Grondpryse wissel in drie provinsies

Grondtransaksies in drie noordelike provinsies skets ’n gemengde prentjie, met gunstige én ongunstige prysneigings wat waargeneem is in die 12 maande tot September 2024. In Mpumalanga is 358 transaksies oor ses distrikte aangeteken, waar 91 452 ha teen R2,435 miljard verhandel is. Grondtransaksies van 150 ha tot 300 ha het ’n toename getoon. Gunstige prysneigings is waargeneem in 33% van die distrikte, soos Bethal (2,3%). In Noordwes was daar 668 transaksies oor 14 distrikte, met 231 765 ha wat teen R3,636 miljard verhandel is. Grond van 300 ha tot 600 ha en groter as 600 ha het ’n styging in verhandeling getoon. Verbeterings in grondpryse is waargeneem in 50% van die distrikte, soos Ewbank (15,2%). In die Noord-Kaap is 249 transaksies in 21 distrikte aangeteken, met 603 240 ha wat…

Grondverhandeling in Mpumalanga, Noordwes en die Noord-Kaap: Augustus 2023 tot September 2024 GAUTENG CARLETONVILLE BRONKHORSTFONTEIN (329) 10 ha, aan N.B. Mathamela en P. Mathamela, van K.H. Botha, R7000000. VAN WYKS RESTANT (182) 12 ha, aan Gospel Base NPC, van H.M. Matthee, R8 000 000. NIGEL RIETFONTEIN (364) 13 ha, aan Alleyroads Meyerton Development Co (Edms.) Bpk., van Meyerton Heights (Edms.) Bpk., R25 844 640. RIETSPRUIT (152) 171 ha, aan Cosmopolitan Projects Johannesburg (Edms.) Bpk., van Shapiro Farms BK, R30 000 000. WITHOK (131) 37 ha, aan V D B 1 Prop (Edms.) Bpk., van Louis Pasteur Inv Ltd, R579025. PRETORIA JAKHALSFONTEIN (528) 23 ha, aan Temotlaka (Edms.) Bpk., van Reakgona Clothing Enterprise BK, R1 000 000. KWAZULU-NATAL BALLITO SINEMBE (16902) 97 ha, aan Elamaswazi Projects (Edms.) Bpk., van B.J. Ndlovu…

Puik veiling vir Optimum Cattle Company gehou

Die negende Bonsmaraproduksieveiling van die Optimum Cattle Company van SP Olivier en Martin Wipplinger wat op 17 Oktober 2024 op die plaas Dorisville by Brandfort gehou is, het met ’n 100%-verkoopsyfer uitstekend verloop. Die duurste bul, SP 210025, het R140 000 behaal. Die koper was Rikus Bothma van Clarens. Wipplinger beskryf dié bul as een wat baie vleis dra. Die gemiddelde prys van die bulle was R64 000 en dié van 3-in-1-koeie R23 250. Koeie met kalwers het gemiddeld R19 530 behaal, dragtige koeie R20 020 en niedragtige verse R11 490. Vleissentraal Bloemfontein, met Johan van der Nest as afslaer, het die veiling met die samewerking van SwiftVee en MediaBoer aangebied.…

Puik veiling vir Optimum Cattle Company gehou

Potch-stoetery behaal groot pryse op veiling van Miniatuurperde

’N JONG rooibruin-en-wit gevlekte, oftewel bay pinto, merrie het op 19 Oktober op die nasionale veiling van die SA Miniatuurperd-telersgenootskap die topprys behaal. MMC BTR Preciosa van die stoetery Magnificent Miniature Creations (MMC) by Potchefstroom is 79,5 cm hoog en is op 6 November 2021 gebore. Crystal van der Burgh van die VDB Stoetery in Pretoria het haar vir R37 500 gekoop op die veiling wat Vleissentraal Ermelo in die Fire and Wine-arena in Zwavelpoort in die ooste van Pretoria gehou het. Van der Burgh beplan om Preciosa te gebruik om te teel en met haar te skou. Haar suster, Taylor, is ook by die VDB-stoetery betrokke. Hul pa, Wayne, is ’n bekende in perdekringe, veral met perdespringkompetisies. Altesaam 25 Miniatuurperde het onder die hamer gekom. Die gemiddelde prys van…

Potch-stoetery behaal groot pryse op veiling van Miniatuurperde

Tien jaar van produksieveilings vir Amulet SAVM-stoetery

Die Amulet SA Vleismerino-stoetery van Grietha van Rensburg se tiende produksieveiling is op 9 Oktober verlede jaar op die plaas Taaibospan by Sannieshof gehou. Die ram 3066 AMU is vir die hoogste prys van R40 000 aan Kobus Cordier van Sannieshof verkoop. Altesame 40 ramme is vir ’n gemiddelde prys van R15 925 verkoop. Karoo-Ochse van Vryburg het die veiling aangebied en Theuns Visser was die afslaer.…

Tien jaar van produksieveilings vir Amulet SAVM-stoetery

‘Crème de la crème’ stel nie teleur op Drostdy Borane-uitverkoping

Cremora, ’n Boran-koei wat meer as agt maande dragtig is, het die verstommende prys van R850 000 op Drostdy Borane se Last Dance-veiling behaal. Christo Crafford van Drostdy Borane sê die doel van die veiling was om mense die geleentheid te gee om vir oulaas teelmateriaal te koop waarvoor sy pa, ook Christo, wat onlangs oorlede is, verantwoordelik was. “Dit was eintlik ’n legacy-veiling. Daarom het ons dit die Last Dance-veiling genoem.” Crafford sê hulle het verwag dat Cremora, ongetwyfeld die crème de la crème op die veiling, ’n indrukwekkende prys sou behaal. Hulle wag vir haar om te kalf en daarna sal sy en haar kalf na hul nuwe eienaars, Green Valley Crops, by Bethlehem gaan. Agt geregistreerde bulle, 19 geregistreerde koeie en 56 geregistreerde verse het onder die…

‘Crème de la crème’ stel nie teleur op Drostdy Borane-uitverkoping

Boerbok-ooi steel kollig op nasionale veiling

Die nasionale Boerbok-veiling wat op 17 Oktober op die Bloemfonteinse skouterrein aangebied is, het ondanks die huidige stram ekonomie besondere goeie pryse en groot belangstelling ontlok. Die sterk vraag na vroulike diere was veral duidelik. Die duurste Boerbok was ’n ooi (430 190133) van Hein Booysen van Kuruman, wat vir R180 000 aan Andrew Roberts van Hoopstad verkoop is. Aanlyn kopers, wat altesaam R772 000 via die Meerkatplatform bestee het, was hoofsaaklik buitelanders, met die UAE Boerbok Stud en Ahmed Abdullah Saleh Aldaraki, nog ’n koper van die Verenigde Arabiese Emirate, wat saam R593 000 tot dié omset bygedra het. Die duurste ram (762 230355) is deur die Lukas Burgerstoetery van Griekwastad geteel en vir R125 000 aan Boeram Venter van die Oos-Kaap verkoop. Vleissentraal Port Elizabeth het die veiling…

Boerbok-ooi steel kollig op nasionale veiling

Droogte demp nie die geesdrif op internasionale Dorper-veiling

Die Dorper-telersgenootskap van Suid-Afrika het ’n suksesvolle internasionale veiling oor twee dae op Upington aangebied. Die duurste ram is vir R160 000 aan Charl Kleynhans, ’n aanlyn koper van die Oos-Kaap, verkoop. Die verkoper was Charl Saunderson van Nooitgedacht, Kenhardt. Die ooie en ramme is onderskeidelik op 3 en 4 November opgeveil. BKB Cradock het die veiling op die skouterrein aangebied en Deon Klopper en Danie Strauss was die afslaers.…

Droogte demp nie die geesdrif op internasionale Dorper-veiling

La Rochelle Ile de France hou algehele uitverkoping

Tollie Jordaan en sy seun Paul van die Grootvlakte-boerdery by Cradock het die topdiere van hul La Rochelle-stoetery in belang van die Ile de France-skaapras tydens ’n algehele uitverkoping op 30 Oktober verlede jaar in Bloemfontein van die hand gesit. Johnny Forbes van Vredesig by Darling, wat eintlik vir sy groot Dormer- en Suffolk-stoetery bekend is, was een van die kopers wat dié diere opgeraap het. Hy het die duurste dier op die veiling, ’n ooi (LR240038), teen R16 000 bekom, asook 17 ander uitsoekooie teen wisselende pryse. Hy het ook die hoogste prys betaal vir twee ramme, LR 20005 en LR 220013 — R10 000 elk. Vleissentraal Port Elizabeth het die veiling met die hulp van die Meerkat-platform aangebied, en André van Zyl was die afslaer.…

La Rochelle Ile de France hou algehele uitverkoping

Goeie vraag na Tuli’s op Go West Tuli-veiling

Die dertiende Go West Tuli-veiling is op Vrydag 18 Oktober 2024 by die Kimberley-veemark aangebied. Die aanbod het bestaan uit 20 geregistreerde bulle en 100 vroulike diere. ’n Topprys van R180 000 is betaal vir die stoetbul DKH 220006 (lot 7) van Donkerhoek Tuli’s van Ben Raath van Britstown. Die kopers was Leslie en Kevin Cook van Amelia Tuli’s van Douglas. Die duurste stoetkoei en kalf, DKH 190147 (lot 22), ook van Raath, is vir R32 000 aan De Wet Human van die Brenhindy Tuli-stoetery van Bloemfontein verkoop. Die duurste dragtige stoetkoei, ook van Donkerhoek Tuli’s, is vir R31 000 verkoop aan Theodore Oosthuizen van Red Grass Valley Tuli’s, Bloemfontein. Die makelaar was Vleissentraal Noord-Kaap en SwiftVee, en die afslaer was Alan Sinclair.…

Goeie vraag na Tuli’s op Go West Tuli-veiling

Kaapse Lobear-bokke vaar goed op Heritage-veiling

Kaapse Lobear-veldbokke het die beste gevaar op die inheemse veldbokgenootskap (IVG) se Heritage-veiling wat op 24 Augustus verlede jaar in Bloemfontein gehou is. Vier inheemse veldbokekotipes is op die veiling aangebied: Kaapse Lobears, Kaapse Skilder-, Kunene- en Nguni-bokke. Alexander Bissett van die Xandorr-stoetery op die plaas Clifton by Boshof het die duurste Lobear-ram en -ooi aan Xander Human van Gordonsbaai verkoop. Hy het via die SwiftVee-platform die ram XAN 220018 vir R25 000 gekoop en die ooi XAN 220009 vir R29 000. Die ooi is tans dragtig met ’n tweeling van Bissett se stoetvaar, XAN 20006. Die duurste Skilderbok-ram van die Shani Tiqvah-stoetery, Alsemfontein, van Hennie Fourie is vir R16 000 aan die Hartsdalboerdery by Bethlehem verkoop. Die duurste Kunene-ooi van MG Lötter van Afdaks-bokke by Williston is vir R8…

Kaapse Lobear-bokke vaar goed op Heritage-veiling

Byna 1 500 skape op veiling van Konsortium-Merino verkoop

Die 104de Konsortium-Merino-veiling was ’n groot sukses met 1 386 ooie en 84 ramme wat op dié veiling verkoop is. OVK het die veiling op 17 September 2024 aangebied namens Kobus Marais op sy plaas, Vrolikskraal, Hofmeyr. Jakkie Nel was die afslaer. Luidens Konsortium-Merino se Facebook-blad is 1 386 oop ooie met pienk oorplaatjies (17 maande en 13 maande oud) teen ’n gemiddelde prys van R2 266 verkoop. Die hoogste prys was R2 450. Dolf van Vuuren van die Uitkoms-trust by Rietbron was beïndruk deur die aanbod en het byna 650 ooie gekoop. Die ram wat die hoogste prys op die veiling behaal het, is vir R50 000 aan Neil Evens en Robyn Conroy van die plaas Lowestoffe by Cathcart verkoop.…

Byna 1 500 skape op veiling van Konsortium-Merino verkoop

Sukses proe ‘Twice as Nice’

Die Twice as Nice-veiling is op 11 Oktober 2024 op Mich Turner se plaas, Wanstead, by Cedarville namens Turner en Tjaart Steenekamp van Lower Orpendale by Barkly-Oos aangebied. ’n Dormer-ram, T230294, van Steenekamp het die hoogste prys van R45 000 behaal. Die koper was Graham Hope van Richmond. Die duurste Suffolk-ram kom ook uit die Steenekampstal en is vir R16 000 aan Mark en Brett Newton van Matatiele verkoop. Vleissentraal Port Elizabeth het die veiling aangebied en André van Zyl was die afslaer.…

Sukses proe ‘Twice as Nice’

BYEENKOMSTE 19-24 JANUARIE: Combined Congress, aangebied deur die Grondwetenskapvereniging van Suid-Afrika, die Hortikultuurwetenskapvereniging van Suider-Afrika en die Suid-Afrikaanse Vereniging vir Gewasproduksie. Polokwane. Navrae: Nancy Nortje, 083 389 0543, nancynortje@icloud.com. Web: combinedcongress.org.za 10-12 FEBRUARIE: Argus Fertilizer Africa-konferensie. Die Westin-hotel, Kaapstad. Web: www.argusmedia.com/en/events/conferences/fertilizer-africa-conference 18-19 MAART: African Canines in Conservation-konferensie. Midrand, Gauteng. Tel. 011 372 3600, e-pos: ewt@ewt.org.za. Web: ewt.org.za/events 18-20 MAART: Africa Agri Techkonferensie, CSIR-konferensiesentrum, Pretoria. Tel. 012 004 0811. Web: africa-agri.co.za 18-19 MAART: Simposium: Graanhanteringsorganisasie van SA. Diazhotel, Mosselbaai. Web: grainorgsa.co.za 27-28 MAART: African Farming-imbizo, Pretoria. Apollo Bomvana, 067 217 0190, apollo.bomvana@media24.com 8-9 APRIL: A-Z-pekankonferensie. Die plaas Dendron, Orania. Tema: Die A–Z van pekanneutverbouing in Suid-Afrika. Johan Coetzee, sel. 082 577 4981. FEESTE, EKSPO’S 15-16 FEBRUARIE: Wynland-perdefees. Mistico Equestrian Centre, Paarl. Aangebied deur Lipizzaners Suid-Afrika. E-pos: stallion@lipizzaners.co.za 26-27 FEBRUARIE: 17de jaarlikse Undercover…

In This Issue

Description

Details

Reviews

Recent Digital Issues Browse all

Recent Landbouweekblad Digital Issues Browse all back issues

Landbouweekblad (Digital) Subscription December 26th, 2024 Issue

Landbouweekblad (Digital) 26 December 2024: $3.44

Landbouweekblad (Digital) Subscription December 12th, 2024 Issue

Landbouweekblad (Digital) 12 December 2024: $3.60

Landbouweekblad (Digital) Subscription November 28th, 2024 Issue

Landbouweekblad (Digital) 28 November 2024: $3.60

Landbouweekblad (Digital) Subscription November 14th, 2024 Issue

Landbouweekblad (Digital) 14 November 2024: $3.69

Landbouweekblad (Digital) Subscription March 20th, 2025 Issue

Landbouweekblad (Digital) 20 March 2025: $3.48

Landbouweekblad (Digital) Subscription March 6th, 2025 Issue

Landbouweekblad (Digital) 6 March 2025: $3.48

Landbouweekblad (Digital) Subscription February 20th, 2025 Issue

Landbouweekblad (Digital) 20 February 2025: $3.48

Landbouweekblad (Digital) Subscription February 6th, 2025 Issue

Landbouweekblad (Digital) 6 February 2025: $3.48

Landbouweekblad (Digital) Subscription January 23rd, 2025 Issue

Landbouweekblad (Digital) 23 January 2025: $3.44

Landbouweekblad (Digital) Subscription January 9th, 2025 Issue

Landbouweekblad (Digital) 9 January 2025: $3.44

Landbouweekblad (Digital) Subscription December 26th, 2024 Issue

Landbouweekblad (Digital) 26 December 2024: $3.44

Landbouweekblad (Digital) Subscription December 12th, 2024 Issue

Landbouweekblad (Digital) 12 December 2024: $3.60

Landbouweekblad (Digital) Subscription November 28th, 2024 Issue

Landbouweekblad (Digital) 28 November 2024: $3.60

Landbouweekblad (Digital) Subscription November 14th, 2024 Issue

Landbouweekblad (Digital) 14 November 2024: $3.69

Landbouweekblad (Digital) Subscription March 20th, 2025 Issue

Landbouweekblad (Digital) 20 March 2025: $3.48

Landbouweekblad (Digital) Subscription March 6th, 2025 Issue

Landbouweekblad (Digital) 6 March 2025: $3.48

Landbouweekblad (Digital) Subscription February 20th, 2025 Issue

Landbouweekblad (Digital) 20 February 2025: $3.48

Landbouweekblad (Digital) Subscription February 6th, 2025 Issue

Landbouweekblad (Digital) 6 February 2025: $3.48

Reviews

0

0

0

0

0

Ask a Question

Ask a question about this product

Please enter content for the question.

Please enter at least 10 characters.

Your question can not be more than 150 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your question! Your question has been submitted and will be published soon.

OK

Answer this question

Please enter content for the answer.

Please enter at least 10 characters.

Please enter your first name and last name.

Only letters allowed for first name and last name.

Please enter your email.

Submit Cancel Processing...

Thank you for your answer! Your answer has been submitted and will be published soon.

OK