Un o orchwylion y flwyddyn ddiwethaf fu clirio’r cartref lle’m magwyd. Golygai geisio gosod trefn ar bapurau fy nhadcu, y Prifardd J. T. Job – papurau sydd wedi bod yn llechu yng nghroglofft y teulu ers degawdau. Gyda chant a hanner o flynyddoedd ers ei eni yn Llandybie ym 1867, ychydig o gof sydd amdano bellach ac i sawl un ei arbenigrwydd yw iddo ennill y Gadair Genedlaethol deirgwaith a’r Goron unwaith. Ond mae mwy i fardd na’i anrhydeddau. Gwelodd bethau mawr yn ystod ei fywyd; roedd yn weinidog ym Methesda drwy gyfnod y Streic fawr, a Diwygiad 1904/05; bu fyw drwy’r Rhyfel Mawr, ac mae ganddo lyfr lloffion lle casglodd gerddi a gyhoeddwyd gan feirdd yn ystod y cyfnod hwnnw. Ond un o’r cyfnodau anoddaf yn ei fywyd, efallai,…
You're reading a preview of
Barddas (Digital) - 1 Issue, Rhifyn Gwanwyn 2018 (337)